Замак Арундэл

З пляцоўкі Вікіпедыя
Jump to navigation Jump to search
Замак
Замак Арундэл
англ.: Arundel Castle
Arundel Castle - geograph.org.uk - 1011759.jpg
50°51′22″ пн. ш. 0°33′13″ з. д.HGЯO
Краіна Англія
Горад Арундэл
Архітэктурны стыль Неаготыка
Заснавальнік Эдуард Спаведнік
Сайт Афіцыйны сайт

Замак Арундэл, або Эрандэл (англ.: Arundel Castle) узвышаецца над аднайменным гарадком у графстве Заходні Сасекс. Яго першым уладальнікам быў Роджэр Мантгомеры — адзін з набліжаных Вільгельма Заваёўніка. Уладальнік замка традыцыйна носіць тытул графа Арундэла (найстарэйшы графскі тытул у Брытаніі). З XV стагоддзя замак служыць асноўнай рэзідэнцыяй герцагаў Норфалкаў з роду Говардаў.

Замак зверху

Першапачатковы замак (закладзены яшчэ Эдуардам Спаведнікам) некалькі разоў пашыраўся ў XII стагоддзі — спачатку для размяшчэння каралевы Мацільды і яе світы, потым па загадзе Генрыха II. Збудаванне належала да распаўсюджанага ў той час тыпу ўмацаванняў — плесі. У 1380 годзе ў замку прашло вяселле Генрыха Болінгбрака з Марыяй дэ Боўн.

З часоў Рычарда Львінае Сэрца замкам валодалі нашчадкі Уільяма д'Абіньі і Адэлізы Лувенскай. Пасля згасання роду Абіньі замак (разам з тытулам графа Арундэла) перайшоў па жаночай лініі да Фіц-Аланаў. У 1580 годзе ўладанні Фіц-Аланаў перайшлі па спадчыне да цяперашніх уладальнікаў, Говардаў. Уладальнікі замка не раз з'яўляюцца на старонках гістарычных харонік Шэкспіра.

Арундэльскі замак панёс вялікія страты падчас грамадзянскіх войнаў XVII стагоддзя. З вяртаннем моды на сярэднявечнае дойлідства 11-ы герцаг Норфалк на мяжы XVIII і XIX стст. абнавіў свае пакоі ў духу неаготыкі. Збудаванне працягвала перабудоўвацца і ў віктарыянскі перыяд, асабліва ў сувязі з візітам каралевы Вікторыі з мужам, які адбыўся ў 1846 годзе.

Гл. таксама[правіць | правіць зыходнік]

Спасылкі[правіць | правіць зыходнік]