Заранка (выдавецтва)
«Зара́нка» — беларускае эміграцыйнае выдавецтва, якое існавала ў 1946—1972 гадах. Заснавана Язэпам Гладкім у Ватэнштэце. Выдала «Лемантар» (1946), падручнік геаграфіі (1947), чытанкі «Родны палетак» і «Малюнкі мінулага» (1947), «Наша краіна» і «Помнікі старажытнасці» (1948), зборнікі беларускіх народных песень і казак. Аднавіла дзейнасць у Нью-Ёрку ў пачатку 1960-х гадоў. Выпусціла больш за 10 кніжак і брашур, у тым ліку «Лемантар для школаў і хатняга навучання» (1964), «Для малых дзетак» (1965), зборнік народных песень «Дудар» (2-е выданне, 1970), «Прыказкі Лагойшчыны» (1966), «Краёвы слоўнік Лагойшчыны» (1970), «Забабоны Лагойшчыны» (1972) і іншыя кнігі[1]. Спыніла дзейнасць у сувязі са смерцю яго заснавальніка[2].
Зноскі
- ↑ А. С. Ляднёва. «Заранка», бел. выдавецтва ў эміграцыі // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 537.
- ↑ Вітаўт Кіпель. Беларусы ў ЗША. — Менск: «Беларусь», 1993. — С. 200.
Літаратура[правіць | правіць зыходнік]
- Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).
- «Заранка», бел. выдавецтва ў эміграцыі // Беларускі фальклор: энцыклапедыя. Т. 1: А капэла — Куцця / Рэдкал.: Г. П. Пашкоў і інш. — Мн.: Беларуская Энцыклапедыя імя Петруся Броўкі, 2005. — С. 525. — ISBN 985-11-0334-9 (Т. 1), ISBN 985-11-0335-7.