Залман Юдавіч Капыскі

Залман Юдавіч Капыскі
Дата нараджэння	6 студзеня 1916(1916-01-06) ці 1916
Месца нараджэння	Віцебск, Віцебская губерня, Расійская імперыя
Дата смерці	14 снежня 1996(1996-12-14) ці 1996
Месца смерці	Мінск, Беларусь
Грамадзянства	СССР  Беларусь
Род дзейнасці	гісторык
Навуковая сфера	гісторыя
Месца працы	Нацыянальная акадэмія навук Беларусі
Навуковая ступень	доктар гістарычных навук
Альма-матар	Беларускі дзяржаўны эканамічны ўніверсітэт
Узнагароды

Залман Юдавіч (Зіновій Юльевіч) Капыскі (19 студзеня 1916, Віцебск — 14 снежня 1996) — беларускі гісторык. Доктар гістарычных навук (1968).

Біяграфія

Скончыў Мінскі інстытут народнай гаспадаркі. Працаваў у Мінскім аблпланаддзеле, у Інстытуце эканомікі АН БССР. Удзельнік Вялікай Айчыннай вайны. У 1950—1990 навуковы супрацоўнік Інстытута гісторыі АН БССР. Даследаваў гісторыю беларускага феадальнага горада, крыніцазнаўства, гістарыяграфію гісторыі Беларусі.

У манаграфіях «Экономическое развитие городов Белоруссии в ХVI — первой половине ХVII вв.» (1966), «Социально-экономическое развитие городов Белоруссии в ХVI — первой половине ХVII вв.» (1975) З. Капыскі прааналізаваў становішча 37 дзяржаўных гарадоў і больш за 300 мястэчак. Пры гэтым аўтар памылкова бачыў наяўнасць капіталістычных з'яў у гарадскім рамястве яшчэ ў ХVII ст., што сведчыла аб пэўнай мадэрнізацыі гістарычнага працэсу. Ён лічыў з'яўленне скупшчыкаў рамесных вырабаў, ліхвярства і крэдыту пацвярджэннем генезісу буржуазных адносін.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).
• Белазаровіч В. А. Гістарыяграфія гісторыі Беларусі: вучэб. дапаможнік; Установа Адукацыі «Гродзенскі Дзярж. Ун-т імя Я. Купалы». — Гродна : ГрДУ, 2006. — 345 с. — ISBN 985-417-858-7. С. 277.
• Капыскі Зіновій Юльевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 370. — 800 с. — 5 000 экз. — ISBN 985-11-0026-9.