Казімір Кабылінскі

З пляцоўкі Вікіпедыя
Jump to navigation Jump to search
Казімір Кабылінскі
Дата нараджэння 25 лютага 1816(1816-02-25)
Месца нараджэння
Дата смерці 4 лістапада 1863(1863-11-04) (47 гадоў)
Месца смерці

Казі́мір Маце́й Кабылі́нскі[1] (польск.: Kazimierz Maciej Kobyliński; 25 лютага 1816[2], Няводніца(польск.) бел.[3] — 4 лістапада 1863) — удзельнік паўстання 1863—1864 гадоў.

Біяграфія[правіць | правіць зыходнік]

Валодаў маёнткам Залясяны[4].

Спачатку загадваў конным аддзелам у паўстанчым атрадзе пад камандаваннем Валерыя Урублеўскага. Разам з ім у аддзеле былі і яго сыны Адольф і Уладзіслаў, зяць Рафал Карыцкі, братанак з Гараднянаў[pl] Адольф і пляменнік Адольф Навасельскі, які стаў ягоным ад’ютантам[3].

Вядома, што Шаблон:Дата ў старым стылі коннікі Кабылінскага захапілі Ружаны, акружылі казарму і абаззброілі салдат. Царскія войскі пазней дагналі паўстанцаў ля Вялікага Кута, аднак у баі атрымалі паражэнне і адышлі, пакінуўшы сваіх забітых і параненых на полі[5].

1718 ліпеня 1863 года аб’яднаныя сілы Казіміра Кабылінскага (56 коннікаў), Фелікса Гурскага (46 коннікаў) і Міхала Квапішэўскага (38 конных) атрымалі перамогу над казакамі ў бітве пад Шапятовам[6].

Увосені атрад Кабылінскага дзейнічаў у ваколіцах Калушына (цяпер у Мазавецкім ваяводстве). Браў удзел у баях з расійскімі войскамі 27 кастрычніка пад Куфлевам, 29 кастрычніка пад Чырвонкай. У абодвух выпадках паўстанцы атрымалі паражэнне[7]. Пасля гэтага да атраду Кабылінскага далучыліся конныя аддзелы Казіміра Нарбута і Людвіка Лютынскага.

На загад палкоўніка Адама Андрэя Зялінскага аб’яднаны атрад рушыў у бок Мінску на дапамогу, па дарозе злучыўшыся з конніцай Міхала Гейдэнрайха-Крука. 4 лістапада ў баі паміж Меняй, Сёдлай і Пясэчнай аб’яднаныя атрады паўстанцаў процістаялі войскам капітана Гольштэйна[7]. У гэтым баі паўстанцы страцілі 20 чалавек забітымі, сярод якіх быў і Казімір Кабылінскі. Пасля яго гібелі 200-асобавы ліцвінскі атрад быў аб’яднаны з коннікамі Янкоўскага, Лянецкага, Зялінскага і Крука[8].

Меў жонку Вікторыю з Казаковічаў[2].

Зноскі

  1. у беларускамоўных крыніцах сустракаецца варыянт прозвішча Кабылянскі.
  2. 2,0 2,1 Kobyliński Kazimierz Maciej (25 FEB 1816-4 NOV 1863) (польск.) . KOBYLIŃSCY HERBU PRUS II oraz połączone rody (31 мая 2012).
  3. 3,0 3,1 Izabela Szymańska. 3. Czasy powstania styczniowego // Dzieje majątku Janopol — Królowy Most w latach 1815—1944: Praca magisterska napisana pod kierunkiem naukowym dr hab. Józefa Maroszka prof. UwB. — Białystok: Uniwersytet w Białymstoku. WydziałHistoryczno-Socjologiczny. Instytut Historii, 2005. — С. 93.
  4. Izabela Szymańska. 3. Czasy powstania styczniowego // Dzieje majątku Janopol — Królowy Most w latach 1815—1944: Praca magisterska napisana pod kierunkiem naukowym dr hab. Józefa Maroszka prof. UwB. — Białystok: Uniwersytet w Białymstoku. WydziałHistoryczno-Socjologiczny. Instytut Historii, 2005. — С. 89, 93.
  5. Станіслаў Суднік. Валерый Антоній Урублеўскі ў паўстанні 1863-64 гг.. Старонка №1 горада Ліды і Лідскага павета. Лідскі летапісец №№36—38 (31 мая 2012).
  6. Grzegorz Michalski. Rys historyczny dziejów Szepietowa // Monografia Parafii pw. Najświętszej Maryi Panny Matki Miłosierdzia w Szepietowie 1985-2010. — Szepietowo: 2010. — С. 13.
  7. 7,0 7,1 Andrzej Wocial. Powstanie styczniowe 1863 r. w powiecie stanisławowskim (польск.)  (pdf) (31 мая 2012).
  8. Pokonując powstańcze mity? / Mińsk Mazowiecki (польск.) . Tygodnik Mazowiecki (31 мая 2012).
Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.