Канстанцін Валер’евіч Мурахцін

З пляцоўкі Вікіпедыя
Jump to navigation Jump to search
Канстанцін Валер’евіч Мурахцін
Дата нараджэння 1976
Месца нараджэння
Альма-матар
Прыналежнасць
Род войскаў Паветрана-касмічныя сілы Расійскай Федэрацыі
Званне маёр
Бітвы/войны Ваенная аперацыя Расіі ў Сірыі
Узнагароды і прэміі

Канстанцін Валер’евіч Мурахцін (руск.: Константин Валерьевич Мурахтин; нар. 1976, Адэская вобласць, УССР, СССР) — расійскі ваенны лётчык, маёр, лепшы штурман Расіі (2014), кавалер ордэна Мужнасці.

Біяграфія[правіць | правіць зыходнік]

Нарадзіўся ў 1976 годзе пад Адэсай у сям'і падпалкоўніка авіяцыі, ваеннага лётчыка-штурмана[1]. Амаль адразу пасля нараджэння Канстанціна сям’я пераехала да новага месца службы бацькі —у горад Чэлябінск.

У Чэлябінску ён скончыў школу і паступіў у Чалябінскае вышэйшае ваеннае авіяцыйнае Чырванасцяжнае вучылішча штурманаў, якое скончыў у 1998 годзе. Сябрам і аднакашнікаў па вучэльні быў Герой Расіі Мікалай Шпітонкаў.

Пасля заканчэння вучылішча быў накіраваны для праходжання службы ў 4-ы цэнтр вайсковых выпрабаванняў і падрыхтоўкі персаналу ваенна-паветраных сіл імя В. П. Чкалава, дыслакаваным у Ліпецку.

29 ліпеня 2014 Мурахцін разам з напарнікам Станіславам Гасанавым сталі лепшымі на міжнародным конкурсе «Авиадартс-2014», атрымаўшы першае месца ў намінацыі «франтавыя бамбавікі», апярэдзіўшы лётчыкаў з Беларусі і Кітая, за што былі ўзнагароджаны кубкам, медалямі і заахвочаны каштоўным падарункам — аўтамабілем[2].

У верасня 2015 г. ён камандзіраваны ў Сірыйскую Арабскую Рэспубліку ў склад авіяцыйнай групы ВПС Расіі[3].

24 лістапада 2015 года разам з камандзірам экіпажа бамбардзіроўшчыка Су-24М ПКС Расіі Алегам Пешкавым[4] здзяйсняў баявы вылет у Сірыі ў складзе пары з задачай нанясення бомбавага ўдару[5]. Адгак падчас гэтага бамбавік Су-24М быў збіты ракетай «паветра-паветра» з знішчальніка F-16C ВПС Турцыі ў раёне сірыйска-турэцкай мяжы ў правінцыі Латакія і ўпаў на сірыйскай тэрыторыі. Экіпаж бамбавіка здолеў катапультавацца. Пешкаў загінуў падчас прызямлення на парашуце ў выніку абстрэлу з зямлі. Штурман Мурахцін прызямліўся па-за зонай абстрэлу. Ён амаль суткі хаваўся ў лесе ад пераследу праціўнікаў, пакуль на яго па маячкі не выйшлі салдаты сірыйскай арміі, пасля чаго быў эвакуіраваны на авіябазу Хмеймім[6].

Сям’я[правіць | правіць зыходнік]

Канстанцін Мурахцін жанаты[7], мае сына[8].

Узнагароды[правіць | правіць зыходнік]

Узнагароды Расійскай Федэрацыі
Узнагароды Сірыі

Зноскі[правіць | правіць зыходнік]

  1. Степанов А., Чепурная О., Уфимцев С., Васильев П., Муральян Л., Тельпис Т.. Выживший пилот — лучший штурман России , Комсомольская правда (2015-11-25). Праверана 5 красавіка 2016.
  2. В Липецке наградили победителей «Авиадартс» , Gorod48.ru (2014-07-29). Праверана 5 красавіка 2016.
  3. Инютин В.. Экипаж сбитого Турцией Су-24 служил в Липецке , Коммерсантъ (2015-11-25). Праверана 5 красавіка 2016.
  4. Гаврилов Ю. Главком ВКС раскрыл подробности атаки Турции на российский самолет , Российская газета (2015-11-27). Праверана 21 лютага 2016.
  5. ВКС: Турки устроили засаду на Су-24 , Взгляд.ру (2015-11-27). Праверана 27 лістапада 2015.
  6. «Обязан вернуть должок за командира» , Известия (2015-11-25). Праверана 20 лютага 2016.
  7. Штурман сбитого Турцией Су-24 встретился с женой. // Постсовет. — 30.11.2015
  8. Сын Константина Валерьевича уже тоже летает. Архіўная копія ад 10 снежня 2015 на Wayback Machine. // MEDIAзавод.