Капліца Святых Пятра і Паўла (Шарашова)

З пляцоўкі Вікіпедыя
Jump to navigation Jump to search
Капліца
Капліца Святых апосталаў Пятра і Паўла
Петрапаўлаўская царква (Шарашоў) 002.Jpeg
52°33′03″ пн. ш. 24°12′54″ у. д.HGЯO
Краіна Беларусь
Гарадскі пасёлак Шарашова
Канфесія Праваслаўе
Тып будынка капліца
Архітэктурны стыль класіцызм
Будаўніцтва 18201824 гады
Стан дзейны

Капліца Святых апосталаў Пятра і Паўла (Брэсцкая вобласць)
Капліца Святых апосталаў Пятра і Паўла
Капліца Святых апосталаў Пятра і Паўла

Царква́ Святы́х Апо́сталаў Пятра́ і Па́ўла — праваслаўны храм у Шарашове, збудаваны ў 1824 годзе. Помнік драўлянага дойлідства з рысамі архітэктуры класіцызму.

Гісторыя[правіць | правіць зыходнік]

Калі ў 1760 годзе была пабудавана новая Прачысценская царква, стары будынак, 1700 года пабудовы, разабралі і перанеслі на могілкі на ўскрайку мястэчка. У 1820—1824 гадах гэтая царква была перабудавана і асвечаная ў гонар святых апосталаў Пятра і Паўла.

Ля ўсходняе (алтарнае) сцяны царквы знаходзіцца магіла заслужанага прафесара Віленскага ўніверсітэта Міхаіла Баброўскага, які быў настаяцелем у мясцовай парафіяльнай царкве.

Улетку 1995 года храм загарэўся ад удару маланкі ў суседняе дрэва, аднак агонь не паспеў нанесці значных пашкоджанняў. Пасля рамонту быў усталяваны новы прастол.

Царква дзейнічае, набажэнствы адбываюцца ў дзень святых Першавярхоўных апосталаў Пятра і Паўла, а таксама ў дні паміну спачылых.

Архітэктура[правіць | правіць зыходнік]

Роспісы на галоўным фасадзе

Адназрубная пабудова з трохграннай алтарнай апсідай накрытая двухсхільным дахам з вальмамі над алтаром. Шэсць калон надаюць порціку падабенства да класіцыстычнага[1]. Галоўны фасад з трохвугольным франтонам, на якім размешчаныя два рамбічныя акенцы, увенчаны двух'яруснай фігурнай вежачкай. Астатнія вокны прамавугольныя.

У аздабленні храма выкарыстаныя паліхромная афарбоўка, дэкаратыўная шалёўка, роспіса на рэлігійныя сюжэты.

Інтэр'ер зальны. Скляпенні плоскія.

Зноскі

  1. Пракаповіч Н.С. Летапіс духоўнасці: культавая архітэктура. Праверана 27 лістапада 2012.

Літаратура[правіць | правіць зыходнік]

  • Архітэктура Беларусі: Энцыклапедычны даведнік. — Мн.: БелЭн, 1993. — 620 с.: іл. — ISBN 5-85700-078-5.
  • Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі[правіць | правіць зыходнік]

Шаблон:Храмы Шарашова