Касл (тэлесерыял)

З пляцоўкі Вікіпедыя
Jump to navigation Jump to search
Касл
Castle
250px
Кадр з застаўкі серыяла
Жанр(ы) камедыядрама
Аўтар(ы) ідэі Эндру В. Марлау
У галоўных ролях Натан Філіян
Стана Каціч
Сьюзан Саліван
Джон Уэртас
Тамала Джонс
Шэймус Дэвер
Рубен Сант'яга-Хадсан
Молі Куін
Пені Джонсан Джэральд
Краіна(ы) Сцяг ЗША
Тэлевізійны(я) канал(ы) ABC
На экранах з 9 сакавіка 2009 года
па цяперашні час
Працягласць серыі 43 хвіліны
Колькасць сезонаў 6
Колькасць серый 118 (Спіс серый)
Афіцыйны(я) вэб-сайт(ы) Афіцыйны сайт
IMDb ID 1219024

«Касл» (англ.: Castle) — амерыканскі камедыйна-драматычны тэлесерыял, які транслюецца каналам ABC. Шоу створана Эндру У. Марлау і апавядае пра вядомага пісьменніка дэтэктываў Рычарда Касла (Натан Філіян) і дэтэктыва Кейт Бекет (Стана Каціч).

Прэм'ера першага сезона адбылася ў ЗША 9 сакавіка 2009 года ў якасці замены ў сярэдзіне тэлесезона. 22 верасня 2009 года сезон выйшаў на DVD на 3-х дысках. Канал прадоўжыў серыял на другі сезон, які складаўся з 13 серый, затым павялічыўшы колькасць эпізодаў да 22 серый, а затым і да 24[1][2]. Паказ другога сезона пачаўся 21 верасня 2009 года[3]. 10 мая 2013 года канал прадоўжыў серыял на шосты сезон[4], які стартаваў 23 верасня[5].

Сюжэт[правіць | правіць зыходнік]

У цэнтры сюжэту знаходзіцца Рычард Касл (Натан Філіян), вядомы пісьменнік у жанры дэтэктываў. Рык жыве ў адным доме са сваёй маці, зоркай Брадвея Мартай Роджэрс (Сьюзан Саліван), і знаходлівай дачкой Алексіс Касл (Молі Куін). Неўзабаве ён даведаўся, што рэальны забойца пачаў пераймаць сцэны забойстваў з яго кніг. Касла дапытвае дэтэктыў з паліцэйскага аддзялення Нью-Ёрка Кейт Бекет (Стана Каціч). Кейт разумная, прывабная і рашучая і трымае расследаванне пад цвёрдым кантролем.

Касл не можа выпусціць шанец адцягнуцца ад сваёй штодзённасці і вырашае дапамагчы ў расследаванні і лоўлі загадкавага забойцы. Маючы сяброўскія адносіны са шматлікімі ўплывовымі людзьмі горада, ён атрымлівае магчымасць прысутнічаць на ўсіх расследаваннях, якія праводзяцца дэтэктывам Бекет, пакуль не збярэ дастаткова матэрыялу для сваёй наступнай кнігі. Пасля заканчэння гэтай справы іх адносіны працягваюць развівацца, у той час як пара расследуе злачынствы, якія здзяйсняюцца ў Нью-Ёрку.

Акцёры і персанажы[правіць | правіць зыходнік]

  • Рычард Эдгар «Рык» Касл (Натан Філіян) — вядомы пісьменнік у жанры дэтэктываў. Імя пры нараджэнні — Рычард Аляксандр Роджэрс. Змяніў другое імя на Эдгар у гонар Эдгара По. Не ведае хто яго бацька. Быў двойчы разведзены і мае дачку ад першага шлюбу — Алексіс. Мэрыдзіт — першая жонка — змяніла яму з рэжысёрам і даслала дакументы на развод. Джына — другая жонка — не магла вынесці таго, што Рычард не дазваляе ёй зблізіцца з Алексіс. З-за гэтага яны часта сварыліся, што, як відаць, і прывяло да разводу. Другая жонка Касла таксама з'яўляецца яго агентам-выдаўцом. Напачатку серыяла Касл знаходзіцца ў пошуках новых ідэй пасля таго, як у сваім апошнім дэтэктыўным рамане ён «забіў» свайго самага вядомага персанажа. Акрамя набыцця свежых ідэй Касл таксама выкарыстоўвае свае веды і досвед для дапамогі паліцыі ў расследаванні злачынстваў. У трэцім сезоне купляе бар «Старое Логава». Па яго серыі кніг "Спякота" здымаецца фільм. Тайна закаханы ў Бекет.
  • Дэтэктыў Кейт Хогтан Бекет (Стана Каціч) — дэтэктыў дэпартамента паліцыі Нью-Ёрка. Яна — першакласны следчы і заваявала рэпутацыю дэтэктыва, які аддае перавагу незвычайным расследаванням. Згадваецца, што яна самая маладая жанчына-дэтэктыў у гісторыі (напачатку кар'еры ёй было трохі больш за 20 гадоў). Стала паліцэйскім пасля смерці маці, справа якой так і не было раскрыта. Начальнік Бекет (капітан Мантгомеры) прымусіў яе прыняць Касла ў ролі кансультанта. Хоць ён яе ўвесь час раздражняе, разам яны з'яўляюцца выдатнай камандай. Носіць пярсцёнак сваёй маці Джааны Бекет (за жыццё, якое страціла) і гадзіннік свайго бацькі (за жыццё, якое выратавала — пасля смерці сваёй жонкі Джым Бекет шмат піў, і Кейт дапамагла яму вылечыцца ад залежнасці). Правяла семестр вучобы ў Кіеве, дзе яна вучыла рускую мову. Закахана ў Касла, але хавае гэта.
  • Дэтэктыў Хаўер Эспазіта (Джон Уэртас) — дэтэктыў, які з'яўляецца членам каманды Бекет. Працуе на пару з Раянам. Заўсёды гатовы жартаваць наконт расследавання. Любіць назіраць за ўзаемаадносінамі Касла і Бекет. Вельмі часта пры звароце да Бекет пачынае сваю фразу з воклічу «Ёў!». Сустракаўся з Лэні Парыш, нягледзячы на парыў, усё яшчэ мае да пачуцці і жадае зноў пачаць адносіны, але не прызнаецца ў гэтым.
  • Дэтэктыў Кевін Раян (Шэймус Дэвер) — дэтэктыў, які з'яўляецца напарнікам Эспазіта і членам каманды Бекет. Хоць яны ўвесь час здзекуюцца над Бекет, насамрэч яны даволі беражліва ставяцца да яе. У другім сезоне пачынае сустракацца з Джэні. У трэцім сезоне робіць ёй прапанову на вачах усяго ўчастку, іх вяселле адбылося ў чацвёртым сезоне. Мае алергію на гусінае пер'е.
  • Доктар Лэні Парыш (Тамала Джонс) — судмедэксперт. Сяброўка Бекет, з якой тая можа шчыра пагутарыць. Увесь час раіць Бекет развіць яе адносіны з Каслам. Сустракалася з дэтэктывам Эспазіта, нягледзячы на тое, што яны расталіся, захавала да яго пачуцці і жадала б аднавіць адносіны, але не прызнаецца ў гэтым. Увесь час спрачаецца з Каслам.
  • Капітан Рой Мантгомеры (Рубен Сант'яга-Хадсан) — начальнік Бекет, якому падабаюцца мэтанакіраванасць і ўвага да дробязяў Бекет, але ён увесь час сочыць за тым, каб расследаванні праходзілі як па масле. Яго вяселіць раздражненне Бекет, выкліканае прысутнасцю Касла, але ён разумее, што разам яны добра працуюць. Жанаты, у яго ёсць дзве дачкі і сын. Гіне ў канцы трэцяга сезона ад агнястрэльнага ранення. Мае дачыненне да забойства маці Бекет.
  • Алексіс Касл (Молі Куін) — дачка Касла, якой значна прасцей вадзіцца з дарослымі, чым з аднагодкамі. Любіць вучыцца. Часцяком паводзіць сябе больш свядома, чым яе бацька. Паколькі апошні быў больш адказны, чым яе маці, Алексіс была пакінута з ім пасля разводу бацькоў. Спрабавала паступіць у каледж Стэнфард, аАле ў канцы чацвёртага сезона вырашыла паступіць у Калумбійскі ўніверсітэт.
  • Марта Роджэрс (Сьюзан Саліван) — матка Касла. Былая брадвейская актрыса. Жыве з Рычардам і ўнучкай Алексіс. Па ўласных словах была «па-чартоўску багатай і непрыстойна беднай». Увесь час спрабуе заняцца чымсьці новым, а таксама знайсці сабе нежанатага багацея. У школе была закахана ў Чэта Палаберна і ў другім сезоне аднаўляе з ім адносіны. Пасля яго смерці атрымлівае ў спадчыну 1 мільён долараў і адкрывае школу акцёрскага майстэрства ў яго гонар.
  • Капітан Вікторыя Гейтс (Пені Джонсан Джэральд) — новая начальніца Бекет, якая прыйшла на змену загінуламу капітану Мантгомеры. Мае вельмі строгі характар, патрабуе, каб падпарадкаваныя звярталіся да яе «Сэр». Многія клічуць яе «Жалезная Гейтс». Да Касла адносіцца вельмі холадна, лічыць яго чужым у аддзеле, нягледзячы на вялікую дапамогу з яго боку ў раскрыцці злачынстваў. Увесь час робіць акцэнт на тое, што раскрыццё — заслуга паліцэйскіх, і спрабуе дамагчыся выдатных вынікаў ад Бекет без дапамогі Касла[6].

Агляд сезонаў[правіць | правіць зыходнік]

Спіс эпізодаў тэлесерыяла «Касл»

Кнігі[правіць | правіць зыходнік]

ABC пайшоў на незвычайную промаакцыю, анансаваўшы выпуск кнігі «Heat Wave», аўтарам якой нібы з'яўляецца Рычард Касл. Яна выйшла 29 верасня 2009 года[7]. Пасля ўдалага выхаду першай кнігі пра Нікі Хіт (ад англ. heat — спякота), ABC анансаваў другую кнігу «Naked Heat», якая выйшла ў продаж 28 верасня 2010 года[8][9]. 21 жніўня 2011 года выйшла трэцяя кніга Рычарда Касла «Heat Rises»[10]. Чацвёртай кнігай стала «Frozen Heat»[11]. У самым тэлесерыяле Рычард Касл згадвае гэтыя кнігі, што забяспечвае ім рэкламную падтрымку.

Зноскі[правіць | правіць зыходнік]

  1. Schneider, Michael. ABC gives full-season order to 'Castle' , Variety (October 20, 2009). Праверана 7 красавіка 2012.
  2. Littleton, Cynthia. ABC's pilot pickup spree , Variety (May 15, 2009). Праверана 7 красавіка 2012.
  3. Mitovich, Matt ABC Announces Fall Premiere Dates for 19 Shows. TV Guide (9 чэрвеня 2009). Архівавана з першакрыніцы 21 мая 2012. Праверана 7 красавіка 2012.
  4. Lynette Rice ABC renews 'Nashville,' 'Scandal, 'Grey's Anatomy' and more. Entertainment Weekly (10 мая 2013). Архівавана з першакрыніцы 14 мая 2013. Праверана 11 мая 2013.
  5. Amanda Kondolojy ABC Sets Premiere Dates for 2013-2014 Season Including 'Marvel's Agents of S.H.I.E.L.D.', 'Once Upon a Time in Wonderland' & More. TV by the Numbers (16 ліпеня 2013). Архівавана з першакрыніцы 21 ліпеня 2013. Праверана 17 ліпеня 2013.
  6. Bryant, Adam Castle Exclusive: Meet Castle and Beckett's New Captain!. TVGuide.com (13 ліпеня 2011). Архівавана з першакрыніцы 8 чэрвеня 2012. Праверана 13 ліпеня 2011.
  7. «Heat Wave» на сайце выдавецтва Hyperion Books (ISBN 1-4013-2382-0)
  8. «'Naked Heat' Shines Like Best Mysteries in Genre» агляд кнігі «Naked Heat» на сайце ABC
  9. «Naked Heat» на сайце выдавецтва. Hyperion Books (ISBN 1-4013-2402-9)
  10. Шостая глава «Heat Rises» на сайце тэлеканала ABC.(англ.) 
  11. «Frozen Heat» (ISBN 978-14013-2444-5) і «Heat Rises» (ISBN 978-17811-6631-4) выпушчаны выдавецтвам «Titan Books»

Спасылкі[правіць | правіць зыходнік]

Шаблон:American Broadcasting Company