Конфікс

З пляцоўкі Вікіпедыя
Перайсці да: рух, знайсці

Конфікс (цыркумфікс, бімарфема) — састаўная службовая марфема, якая складаецца з прэфікса і суфікса, якія ў адзіным фармальным комплексе далучаюцца да асновы слова. Выдзяляюцца толькі на словаўтваральным узроўні. Выконваюць толькі дэрывацыйную функцыю.

У структурным плане конфіксы складаюцца толькі з тых элементаў, якія існуюць як асобныя прэфіксы і суфіксы. Успрымаюцца як адзін фармальны кампанент і з'яўляюцца толькі спрадвечнабеларускімі па сваім паходжанні. У акадэмічных граматыках конфіксныя ўтварэнні называюць прыставачна-суффіксальнымі ўтварэннямі.

Хоць і аддзеленыя адзін ад аднаго коранем, яны выступаюць як адзіны словаўтваральны комплекс толькі ў словаўтваральным акце. У структурным плане не існуюць як самастойныя элементы (заморскі). Далучаюцца толькі да ўтваральнай асновы.

Літаратура[правіць | правіць зыходнік]

  • Беларуская граматыка: У 2 ч. — Мінск: Навука і тэхніка. — Ч. 1. Фаналогія Арфаэпія. Марфалогія. Словаўтварэнне. Націск, 1985.
  • Шакун Л. М. Словаўтварэнне. Мінск: Вышэйшая школа, 1978.
  • Шуба П. П. Сучасная беларуская мова. Марфаналогія. Марфалогія. Мінск, 1987.
Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.