Перайсці да зместу

Крыптавечарына

З Вікіпедыі, свабоднай энцыклапедыі
thumb

Крыптавечарына (CryptoParty) — гэта глабальная ініцыятыва па азнаямленні шырокай грамадскасці[1] з асновамі практычнай крыптаграфіі, такімі як ананімная сетка Tor, вечарыны падпісвання ключоў, TrueCrypt, віртуальныя прыватныя сеткі.[2][3]

Як спадкаемца шыфрапанкаў 1990-х[4], крыптавечарына была прыдумана ў канцы жніўня 2012 года ў выпадковай Twitter-размове паміж аўстралійскімі прыхільнікамі прыватнасці (у тым ліку Эшэрам Вулфам, Asher Wolf) і экспертамі ў галіне камп’ютарнай бяспекі датычна прыняцця біля з папраўкамі ў заканадаўстве па кіберзлачынствах (2011)[5] і ўнясення законапраекта аб двухгадовым захаванні даных у гэтай краіне[6].

Самаарганізаваны DIY-рух ("Зрабі сам"-рух) адразу пачаў вірусна распаўсюджвацца[7] з тузінам аўтаномных крыптавечарын у лічаныя гадзіны па гарадах Аўстраліі, ЗША, Вялікабрытаніі, Германіі.[8] «Калі я прачнуўся раніцай, яны былі ўсюды», — кажа Вулф у інтэрв’ю.[9]

Шмат іншых вечарын было арганізавана і праведзена ў Чылі,[10] Нідэрландах, Гаваях, Азіі і г. д. Выкарыстанне Tor у Аўстраліі рэзка павысілася,[11] а лонданская крыптавечарына з 130 удзельнікамі, сярод якіх былі ветэраны руху «Акупіруй Лондан» (Occupy London), вымушана была перамясціцца з лонданскага хакерспэйса (London Hackspace) у кампус Google ва ўсходне-лонданскім тэхналагічным гарадку. Станам на сярэдзіну кастрычніка 2012 па ўсім свеце прайшло каля 30 крыптавечарын, некаторыя з іх рэгулярныя. У адзін і той жа дзень крыптавечарыны былі праведзены у Рэйк'явіку, Бруселі і Маніле.[12]

Крыптавечарына напачатку атрымала словы падтрымкі ад Фонду Электронных Межаў (Electronic Frontier Foundation[13]) і, меркавана, AnonyOps,[14] таксама яе падтрымалі выкрывацель Агенцтва Нацыянальнай Бяспекі (NSA) Томас Дрэйк, рэдактар Вікілікс Хэзер Марш[15][16] і рэпарцёр часопіса Wired Квін Нортан.[17]

Эрык Х’юз, які за два дзесяцігоддзі да таго напісаў маніфест шыфрапанкаў, выступіў з пленарнай прамовай «Ізноў зробім персанальныя камп’ютары персанальнымі» (Putting the Personal Back in Personal Computers) на крыптавечарыне ў Амстэрдаме 27 верасня 2012 г.[18]

Марцін дэ Камінскі, заснавальнік Пірацкага Бюро (Piratbyrån), якое ў сваю чаргу заснавала Пірацкую Бухту (The Pirate Bay), лічыць крыптавечарыны найважнейшым грамадскім праектам у сучаснай крыптаграфіі.[19][20] Коры Доктараў ахарактарызаваў крыптавечарыну як мерапрыемства «накшталт маркетынгавай сустрэчы (Tupperware party) для тых, хто вывучае крыптаграфію».[21]

Першы чарнавік «Дапаможніка па арганізацыі крыптавечарыны» на 442 старонках (папяровая версія ёсць у продажы) быў складзены за тры дні сумеснага кніжнага спрынта[22] і выпушчаны 4 кастрычніка 2012 г. пад ліцэнзіяй СС-BY-SA. Кніга пастаянна падтрымліваецца ў актуальным стане.[23]

Напад і падзенне сайту[правіць | правіць зыходнік]

У красавіку і траўні 2013 года галоўная вікістаронка руху крыптавечарын cryptoparty.org стала аб'ектам серыі спамерскіх атак, і, як вынік, сайт перастаў працаваць. Абарона супраць спам-атак была зроблена больш складанай, чым на другіх вікі. Спам-атакі таксама былі вынікам выкарыстання непрыдатных налад плагіна ConfirmEdit. Выкарыстанне плагіна SimpleCaptcha не рэкамендуецца аўтарамі ConfirmEdit («[…] выкарыстоўваўся на вельмі невялікай колькасці вікі па-за Фондам ВікіМедыя, бо, магчыма, ён (плагін) недастаткова эфектыўны»).[24]

Крыптавечарыны ў Беларусі[правіць | правіць зыходнік]

Першая крыптавечарына ў Мінску

Рух крыптавечарынак быў распачаты ў пачатку 2013 года Пірацкім Цэнтрам Беларусі. Першая крыптавечарына ў Беларусі прайшла ў Менску 5 лютага 2013 года і была прысвечана Дню Бяспечнага Інтэрнэта. На працягу года было праведзена каля 5 крыптавечарын,[25] на якіх тэарэтычна і практычна разглядаліся тэмы інтэрнэт-бяспекі, прыватнага інтэрнэта, шыфравання даных (пошты, паведамленняў, файлаў, дыскаў).

Спасылкі[правіць | правіць зыходнік]

Агульны сайт крыптавечарын па ўсім свеце

Зноскі[правіць | правіць зыходнік]

  1. Privacy in Ubuntu 12.10: Full Disk Encryption | Electronic Frontier Foundation. Eff.org (6 лістапада 2012). Праверана 20 лютага 2013.
  2. Pauli, Darren. Cryptoparty goes viral - Crypto - SC Magazine Australia - Secure Business Intelligence. Scmagazine.com.au (4 верасня 2012). Праверана 26 верасня 2012.
  3. The Woman Behind CryptoParty. Rferl.org. Праверана 20 лютага 2013.
  4. CryptoParty Like It's 1993. Techdirt (11 кастрычніка 2012). Праверана 20 лютага 2013.
  5. Біль з папраўкамі ў заканадаўства па кіберзлачыннасці 2011 года: Cybercrime Legislation Amendment Bill 2011 – Parliament of Australia. Aph.gov.au. Праверана 26 верасня 2012.
  6. Your Data Is Safe With Nicola Roxon(недаступная спасылка). Newmatilda.com. Архівавана з першакрыніцы 19 верасня 2012. Праверана 26 верасня 2012.
  7. Ain't no party like a cryptoparty: privacy goes viral. YouTube (21 верасня 2012). Праверана 26 верасня 2012.
  8. Crypto Partys: Eins ist unsicher: Unsere Daten - Debatten. FAZ. Праверана 20 лютага 2013.
  9. Pauli, Darren. Cryptoparty goes viral - Crypto - SC Magazine Australia - Secure Business Intelligence. Scmagazine.com.au (4 верасня 2012). Праверана 20 лютага 2013.
  10. entodaspartes.net representando | Just another WordPress site. Entodaspartes.org. Праверана 20 лютага 2013.(недаступная спасылка)
  11. Tor Metrics Portal: Users(недаступная спасылка). Metrics.torproject.org. Архівавана з першакрыніцы 22 лютага 2014. Праверана 20 лютага 2013.
  12. Name. Cryptoparties Teach Data Privacy To The Public | Cryptoparty Sydney | SBS World News(недаступная спасылка). Sbs.com.au. Архівавана з першакрыніцы 18 кастрычніка 2012. Праверана 20 лютага 2013.
  13. cryptopartymelb. Message from EFF. YouTube. Праверана 26 верасня 2012.
  14. cryptopartymelb. Message from AnonyOps. YouTube. Праверана 26 верасня 2012.
  15. Marsh, Heather. CryptoParty Melbourne. GeorgieBC's Blog. Праверана September 22, 2012.
  16. 0.00. cryptoparty's sounds on SoundCloud - Hear the world’s sounds. Soundcloud.com (23 верасня 2012). Праверана 20 лютага 2013.
  17. 0.00. cryptoparty's sounds on SoundCloud - Hear the world’s sounds. Soundcloud.com (23 верасня 2012). Праверана 20 лютага 2013.
  18. Twitter / DrWhax: I might as well reveal the. Twitter.com (27 верасня 2012). Праверана 20 лютага 2013.
  19. Cryptoparty-Bewegung: Die Cypherpunks sind zurück - SPIEGEL ONLINE. Spiegel.de (25 красавіка 2012). Праверана 20 лютага 2013.
  20. Google Translate. Translate.google.com. Праверана 20 лютага 2013.
  21. Cory Doctorow at 10:00 am Fri, Oct 12. CryptoParty: like a Tupperware party for learning crypto. Boing Boing. Праверана 20 лютага 2013.
  22. CryptoParty Like It's 1993. Techdirt (11 кастрычніка 2012). Праверана 20 лютага 2013.
  23. CryptoPartyHandbook(недаступная спасылка). CryptoParty (31 студзеня 2013). Архівавана з першакрыніцы 2 сакавіка 2013. Праверана 20 лютага 2013.
  24. ConfirmEdit, Mediawiki extension. mediawiki.org 15-06-2013. Retrieved 23-06-2013
  25. CryptoParty Site.