Крысціна Сяргееўна Ільчанка

З пляцоўкі Вікіпедыя
Jump to navigation Jump to search
Крысціна Ільчанка Біятланіст
Biathlon European Championships 2017 Individual Women 1760.JPG
Агульная інфармацыя
Поўнае імя Крысціна Сяргееўна Ільчанка
Арыгінальнае імя руск.: Кристина Сергеевна Ильченко
Грамадзянства Сцяг Расіі Расія
Сцяг Беларусі Беларусь
Дата нараджэння 17 ліпеня 1993(1993-07-17) (25 гадоў)
Месца нараджэння
Рост/Вага 169 см / 55 кг

Крысці́на Сярге́еўна І́льчанка (нар. 17 ліпеня 1993, Лабытнангі) — беларуская біятланістка, якая мае таксама расійскае грамадзянства, майстар спорту Расіі. Удзельніца Кубка свету па біятлоне ў складзе зборнай Беларусі. Трохразовая чэмпіёнка свету па летнім біятлоне сярод юніёраў.

Кар’ера[правіць | правіць зыходнік]

Выступленні ў Расіі[правіць | правіць зыходнік]

У дзяцінстве займалася лыжнымі гонкамі, пазней перайшла ў біятлон, трэніравалася ў ДЮСШ горада Лабытнангі пад кіраўніцтвам Хаміта Файзрахманавіча Ахатава. У юніёрскім узросце пераехала ў Цюмень і стала прадстаўляць Цюменскую вобласць, трэніравалася ў Сяргея Сяргеевіча Шастова і Леаніда Аляксандравіча Гур’ева[1]. Доўгі час удзельнічала толькі ва ўнутрырасійскіх спаборніцтвах (у зімовым біятлоне) і не магла прабіцца ў зборную Расіі.

На міжнародным узроўні дэбютавала ў 2014 годзе на чэмпіянаце Еўропы ў Нове-Места-на-Мораве, дзе ўдзельнічала ў юніёрскай катэгорыі, заняла 14-е месца ў спрынце і дзевятае — у гонцы пераследвання. Таксама прымала ўдзел у зімовай Універсіяды 2015 года, дзе пасля 26-га месца ў спрынце паднялася на шостае месца ў гонцы пераследвання, а ў мас-старце была 15-й.

У дарослых спаборніцтвах прымала ўдзел у чэмпіянаце і Кубку Расіі, была адной з самых хуткасных спартсменак на гэтых спаборніцтвах, але адрознівалася недакладнай стральбой. Па выніках сезона 2014/15 заняла месца ў трэцім дзясятку рэйтынгу СБР. Адзіны свой медаль чэмпіянату Расіі заваявала ў 2015 годзе ў гонцы патрулёў у складзе каманды Цюменскай вобласці.

У летнім біятлоне Ільчанка выступала больш удала. На чэмпіянаце свету сярод юніёраў 2013 года ў Форні-Авольтры яна заваявала золата ў змешанай эстафеце і бронзу ў гонцы пераследвання. На наступным юніёрскім чэмпіянаце, у 2014 годзе ў Цюмені, Крысціна заваявала два залатыя медаля — у спрынце і пераследванні, а таксама срэбра ў змяшанай эстафеце.

Выступленні ў Беларусі[правіць | правіць зыходнік]

Восенню 2015 года Ільчанка прыняла прапанову выступаць за зборную Беларусі[2], куды яе запрасіў былы настаўнік расейскай зборнай Уладзімір Каралькевіч. У лістападзе 2015 года спартсменка дэбютавала ў спаборніцтвах Кубка IBU на этапе ў Ідры, а праз тыдзень ўпершыню прыняла ўдзел у гонцы Кубка свету.

На дадзены момант лепшым вынікам у кар’еры Ільчанкі з’яўляецца 43-е месца ў гонцы пераследвання на этапе Кубка свету 2016/17 у Осла. У Кубку IBU яе лепшы вынік — 9-е месца ў гонцы пераследвання на этапе ў Мартэлі.

Асабістае жыццё[правіць | правіць зыходнік]

Вучылася ў Цюменскім нафтагазавым універсітэце і Цюменскім дзяржаўным універсітэце, у 2015 годзе перайшла ў Беларускі дзяржаўны ўніверсітэт фізічнай культуры.

Спартыўная кар’ера[правіць | правіць зыходнік]

Удзел у Чэмпіянатах Еўропы[правіць | правіць зыходнік]

Год Месца правядзення Інд Спр Пр Эст МС Зм
2016 ЧЕ Сцяг Расіі Цюмень НП 34 37 НП 12
2017 ЧЕ Сцяг Польшчы Душнікі-Здруй 64 42 39 НП НП 9

Зноскі

Спасылкі[правіць | правіць зыходнік]