Курт Крэньц

З пляцоўкі Вікіпедыя
Jump to navigation Jump to search
Курт Крэньц
Партрэт
Род дзейнасці: палітык
Дата нараджэння: 7 ліпеня 1907(1907-07-07)[1]
Месца нараджэння:
Дата смерці: 28 лістапада 1978(1978-11-28)[1] (71 год)
Месца смерці:
Партыя:
Узнагароды і прэміі:
Banner of Labor Patriotic Order of Merit in gold Ордэн Карла Маркса
Commons-logo.svg Курт Крэньц на Вікісховішчы

Курт Крэньц (в.-луж.: Kurt Krjeńc, 7 ліпеня 1907, Мальшвіц, Германія28 лістапада 1978, Баўтцэн, Германія) — камуністычны дзеяч ГДР і лужыцкі грамадскі дзеяч. Старшыня лужыцкага культурна-грамадскага таварыства «Домавіна» (1951-1973).

Біяграфія[правіць | правіць зыходнік]

Нарадзіўся 7 ліпеня 1907 года ў горадзе Мальшвіц. У 1923 годзе ўступіў у Камуністычную партыю Германіі. Прымаў актыўны ўдзел у дзейнасці лужыцкага спартыўнага таварыства «Сербскі Сокал». У 1933 годзе пасля прыходу да ўлады нацыстаў быў інтэрнаваны ў канцэнтрацыйны лагер «Hohnstein». З 1939 года па 1945 год служыў у Вермахце на Усходнім фронце. У 1945 годзе трапіў у савецкі палон. Пасля заканчэння Другой сусветнай вайны быў раённым сакратаром Камуністычнай партыі Германіі. У 1949 годзе быў прызначаны намеснікам устаноўчай Народнай палаты ГДР. З 1948 па 1953 год працаваў у лужыцкім аддзеле Упраўлення адукацыі Саксоніі.

У 1951 годзе быў абраны старшынёй лужыцкай культурна-асветніцкай арганізацыі «Домавіна». Пад яго кіраўніцтвам «Домавіна» была інтэграваная ў сістэму дзяржаўнай улады ГДР. Па яго ініцыятыве галоўнай мэтай «Домавіны» было абвешчана прыцягненне лужычанаў да ідэяў сацыялізму. Быў старшынёй «Домавіны» на працягу 22 гадоў. У 1973 годзе падаў у адстаўку па стане здароўя.

Пасля яго выхаду на пенсію пасада старшыні «Домавіны» была адменена і замест старшыні арганізацыяй кіраваў сакратар. Пасада старшыні «Домавіны» была зноў адноўлена толькі ў 1990 годзе.

Узнагароды[правіць | правіць зыходнік]

Зноскі

  1. 1,0 1,1 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #1037703804 // Агульны нарматыўны кантроль — 2012—2016. Праверана 26 красавіка 2014.
  2. Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #1037703804 // Агульны нарматыўны кантроль — 2012—2016. Праверана 11 снежня 2014.
  3. Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #1037703804 // Агульны нарматыўны кантроль — 2012—2016. Праверана 31 снежня 2014.

Літаратура[правіць | правіць зыходнік]

  • Гугнин А. А., Введение в историю серболужицкой словесности и литературы от истоков до наших дней, Российская академия наук, Институт славяноведения и балканистики, научный центр славяно-германских отношений, М., 1997, стр. 155, 169, ISBN 5-7576-0063-2
  • Krenz, Kurt: DOMOWINA — die nationale Organisation der Lausitzer Sorben, Schriftenreihe über die Sorben, Heft 3, Ministerium für Volksbildung der DDR, 1954
  • Elle, Ludwig: Die Domowina in der DDR, Ludowe nakładnistwo Domowina, Budyšin 2010
  • Elke Reuter, Helmut Müller-Enbergs: Kurt Krjeńc. In: Wer war wer in der DDR? 5. Ausgabe. Band 1, Ch. Links, Berlin 2010, ISBN 978-3-86153-561-4.