Лашка

Горад Лашка Laško Герб Выгляд Лашка з паўночна-ўсходняга боку Краіна Славенія Рэгіён Савіньска Каардынаты 46°09′22″ пн. ш. 15°14′19″ у. д. Першая згадка 1226 Ранейшыя назвы Туфер Горад з 1927 Плошча 3,3 км² Вышыня цэнтра 228 м і 299 м Насельніцтва 3 320 чалавек (2018) Часавы пояс UTC+1, летам UTC+2 Тэлефонны код 02 Паштовы індэкс 3270 Аўтамабільны код CE Афіцыйны сайт lasko.si (славенск.) Лашка на карце Славеніі

Медыяфайлы на Вікісховішчы

Лашка (славенск.: Laško, ням.: Tüffer) — горад у цэнтральна-заходняй частцы Славеніі, цэнтр аднайменнай абшчыны. За 10 км на поўдзень ад Цэле. Чыгуначная станцыя на лініі Вена—Трыест. Праз Лашка праходзіць аўтамабільная дарога Цэле—Кршко. Насельніцтва горада — 3 320 (2018).

Лашка размешчаны пад стромка узнятым пагоркам Хум у даліне р. Савіня.

Гісторыя

Уваход у Барбараву штольню

Упершыню згадваецца пад 1227 г. З 1847 г. праз горад прайшла чыгуначная дарога і была пабудавана станцыя. У 1900 г. у горадзе 842 чал. з якіх 485 немцаў і 334 славенца. У 1927 г. Лашка атрымала статус горада.

24 ліпеня 2008 г. непадалёк ад Лашка, у Барбаравай штольне каля Худа ямы, выяўлены масавыя пахаванні людзей (некаторыя муміфікаваныя), растраляных ці забітых па галаве цяжкімі прадметамі. Многае ўказвае на тое, што некаторыя былі замураваныя жыўцом. Колькасць ахвяр дакладна не высветленая, але даследчыкі ацэньваюць колькасць ахвяр да некалькіх тысяч. Большасць ахвяр былі славенскімі дамабранцамі і ўсташамі. Лічыцца, што масавыя забойствы мая і чэрвеня 1945 г. былі здзейсненыя югаслаўскімі партызанамі.

Нягледзячы на шматлікія пратэсты, пасля правядзення другой акцыі дастаўкі цел на паверхню, звязаныя з вялікімі выдаткамі эксгумацыі, былі спынены.

Літаратура

• Ferenc, M., Alić, M., Jamnik, P. Huda Jama: skrito za enajstimi pregradami: poročilo 2 / Mitja Ferenc, Mehmedalija Alić, Pavel Jamnik. — Ljubljana: Družina, 2012. — 280 str.: ilustr.; 1 video DVD. — ISBN 9789612228415.