Лувага Кізіта

Лувага Кізіта
Поўнае імя	Лувага Віліям Кізіта
Нарадзіўся	20 снежня 1993(1993-12-20) (28 гадоў) Кісубі[d], акруга Вакісо[d], Цэнтральная вобласць[d], Уганда
Грамадзянства	Уганда
Рост	178 см
Вага	75 кг
Пазіцыя	нападнік
Інфармацыя пра клуб
Клуб	Хапаэль (Ноф-ха-Галіль)
Нумар	11
Клубная кар’ера
2009—2012 Бунамвая (Вакісо) 2012—2014 Лейшойнш 33 (5) 2014—2015 Спортынг (Кавілья) 56 (17) 2015—2017 Рыу Аві 11 (0) 2016 →  Фейрэнсі 15 (5) 2017—2019 Палітэхніка (Ясы) 28 (3) 2018 →  БАТЭ (Барысаў) 3 (0) 2019 →  Шахцёр (Караганда) 24 (5) 2020—2021 Хапаэль (Кфар-Сава) 42 (9) 2021— Хапаэль (Ноф-ха-Галіль) 3 (1)
Нацыянальная зборная
2012— Уганда 46 (1)

Лувага Віліям Кізіта (англ.: Luwagga William Kizito, нар. 20 снежня 1993, Кісубі, Уганда) — угандыйскі футбаліст, нападнік ізраільскага клуба «Хапаэль» з Ноф-ха-Галіля і нацыянальнай зборнай Уганды.

Клубная кар’ера

З 2009 года пачаў выступаць на радзіме за клуб «Бунамвая», з якім адразу стаў чэмпіёнам краіны. Улетку 2012 года перабраўся ў Еўропу, стаўшы іграком клуба другога партугальскага дывізіёна «Лейшойнш». Пачаўшы выступ за новы клуб з некалькіх забітых галоў, прыцягнуў увагу «Порту», аднак пазней выніковасць знізілася, і пераход не адбыўся. Застаўшыся ў «Лейшойншы», нападнік дапамог клубу заняць трэцяе месца ў другім дывізіёне і спыніцца ў адным кроку ад выхаду ў Прымейра-лігу.

У студзені 2014 года перайшоў у іншы партугальскі клуб «Спортынг» (Кавілья), а ў ліпені 2015 года перабраўся ў «Рыу Аві» з Прымейра-лігі. Замацавацца ў элітным партугальскім дывізіёне не здолеў, у першай палове 2016 года гуляў у арэндзе за «Фейрэнсі», пасля вярнуўся ў «Рыу Аві». У 2017 годзе стаў іграком румынскага клуба «Палітэхніка» з Ясаў.

У жніўні 2018 года быў арандаваны беларускім клубам БАТЭ з правам выкупу. У складзе барысаўскай каманды, аднак, толькі тройчы выйшаў на замену ў чэмпіянаце Беларусі, а таксама адгуляў усе 120 хвілін у кубкавым матчы супраць «Гарадзеі». У снежні 2018 года па заканчэнні арэнды пакінуў БАТЭ.

У сакавіку 2019 года адправіўся ў арэнду ў карагандзінскі «Шахцёр». У студзені 2020 года перайшоў у ізраільскі «Хапаэль» з Кфар-Савы, які па выніках сезона 2020/21 выбыў у другі дывізіён. У жніўні 2021 года стаў іграком «Хапаэля» з Ноф-ха-Галіля.

Міжнародная кар’ера

З 2012 года выступае за нацыянальную зборную Уганды. У 2017 годзе разам са зборнай прымаў удзел у фінальным турніры Кубка афрыканскіх нацый.

Дасягненні

• 01 Чэмпіён Уганды: 2009/10
• 01 Чэмпіён Беларусі: 2018

Спасылкі

• Профіль на афіцыйным сайце БАТЭ (руск.)