Людвіг VII Барадаты

Людвіг VII
ням.: Ludwig VII
Герцаг Баварска-Інгальштацкі 1413 — 1447
Папярэднік	Стэфан III
Пераемнік	Людвіг VIII
Граф дэ Мартэн 1416 — 1425
Папярэднік	Людовік Гіенскі
Пераемнік	Жан VIII д'Аркур
Нараджэнне	каля 1368 Баварска-Інгальштацкае герцагства
Смерць	1 мая 1447 Бурггаўзен[d], Раён Альцётынг, Верхняя Баварыя, Баварыя
Род	Вітэльсбахі
Бацька	Стэфан III
Маці	Тадэя Вісконці[d]
Жонка	Ганна дэ Бурбон[d] і Кацярына д’Алансон[d]
Дзеці	Людвіг VIII Вітэльсбах
Дзейнасць	суверэн
Узнагароды
Медыяфайлы на Вікісховішчы

Людвіг VII Барадаты (ням.: Ludwig VII. der Bärtige; каля 1368 — 1 мая 1447, Бурггаўзен) — герцаг Баварска-Інгальштацкі з 1413 года, сын герцага Стэфана III і Тадэі Вісконці.

Біяграфія

Перыяд з 1391 па 1415 гады Людвіг VII пражыў у Францыі пры двары сваёй сястры каралевы Ізабо і яе мужа Карла VI. Там ён стаў бібліяфілам, а вярнуўшыся ў Германію ў 1418 годзе даў распараджэнне пачаць будаўніцтва ў Інгальштаце замка ў французскім стылі.

Стаўшы герцагам, варагаваў з усімі суседзямі, асабліва са стрыечным братам Генрыхам Ландсгуцкім, які вераломна напаў на яго падчас Канстанцкага сабору.

У 1439 годзе супраць Людвіга VII паўстаў яго законны спадчыннік, сын Людвіг VIII Гарбаты, які паступова заваяваў усе бацькаўскія землі і ў 1443 годзе ўзяў у палон самога Людвіга VII і яго тытул. Пасля смерці сына ў 1445 годзе Людвіг VII быў выдадзены герцагу Генрыху, у палоне ў якога памёр у 1447 годзе, а герцагства Баварска-Інгальштацкае было далучана да Баварска-Ландсгуцкага герцагства.

Сям'я і дзеці

1 кастрычніка 1402 года Людвіг жаніўся на Ганне дэ Бурбон, дачцэ ламаршскага графа Жана I дэ Бурбона. У іх было двое дзяцей:

• Людвіг (1403—1445)
• Іаган (нар.1404), памёр у дзяцінстве

У 1408 годзе Ганна памерла, і ў 1413 годзе Людвіг жаніўся ў другі раз, на Кацярыне д’Алансон, дачцэ алансонскага графа П'ера II. У іх было двое дзяцей:

• Іаган (1414—1420)
• Ганна (1416—1418)

Спасылкі

• Людвіг VII у Allgemeine Deutsche Biographie