Людміла Васілеўна Арлоўская

Людміла Арлоўская
Людміла Арлоўская
Поўнае імя	Людміла Васілеўна Арлоўская
Нарадзілася	2 лістапада 1973 (50 гадоў); Вышні Валачок, Вышневалоцкі раён, Калінінская вобласць, РСФСР, СССР або ; Інта, Рэспубліка Комі, РСФСР, СССР;
Грамадзянства	Беларусь
Рост/Вага	160 см / 55 кг
	Біятлон
	Чэмпіянаты Еўропы
	Летні біятлон (крос)
	Чэмпіянаты свету

Людмі́ла Васі́леўна Арло́ўская, народжаная Лысе́нка (нар. 2 лістапада 1973, Вышні Валачок, Калінінская вобласць, па іншых дадзеных, Інта, Комі АССР^[1]) — беларуская біятланістка, шматразовая прызёрка чэмпіянатаў свету па летнім біятлоне. Майстар спорту Рэспублікі Беларусь міжнароднага класа (2000), трэнеры — І. П. Белапухаў, В. А. Карчэўскі, Я. В. Пермякоў^[2].

Кар’ера

У 1989 годзе ўваходзіла ў лыжную зборную Комі АССР, пасля чаго яна была запрошаная ў Рэспубліканскае вучылішча алімпійскага рэзерву ў Віцебску, па заканчэнні якога (у 1994 годзе) засталася ў Беларусі, выйшла замуж і стала яе прадстаўляць^[3].

З 1992 года Людміла займаецца біятлонам, на яе рахунку выступленне на двух Алімпійскіх гульнях (1994, 2002) і пяці чэмпіянатах свету (1995, 1996, 1998, 2000, 2001). Лепшыя вынікі на буйных турнірах — сёмае месца ў эстафеце на Алімпійскіх гульнях 2002 года ў Солт-Лэйк-Сіці і чацвёртае месца ў каманднай гонцы на чэмпіянаце свету 1996 года ў Рупольдынгу. На чэмпіянаце Еўропы 1999 года ў Іжэўску стала другой у спрынце і трэцяй у індывідуальнай гонцы.

У сваім апошнім сезоне ў Кубку свету (2002/03) упершыню паднялася на вышэйшую прыступку п’едэстала, перамогшы ў эстафеце на этапе ў Осрблье^[4].

Найбольшыя поспехі Арлоўскай прынеслі выступленні ў летнім біятлоне (крос), дзе яна стала чэмпіёнкай свету 2000 года ў эстафеце, а таксама мае на сваім рахунку два сярэбраных медаля ў гэтай дысцыпліне і дзве асабістыя «бронзы».

Асабістае жыццё

У 2007 годзе скончыла БДПУ імя Максіма Танка. Мае адно дзіця.

Зноскі

↑ Суткі з былой лыжніцай з Комі Архівавана 27 лютага 2015. Нататка ў газеце «Моладзь Поўначы», № 43 (7218) ад 27 кастрычніка 2005 года
↑ Алімпізм Архівавана 27 лютага 2015. Бліц-інтэрв’ю з Людмілай Арлоўскай на сайце таварыства «Дынама» (Беларусь) ад 21 чэрвеня 2011 года
↑ Бамжыха Пераклад артыкула ў газеце Gazeta Wyborcza ад 8 кастрычніка 2005 года на сайце ИноСМИ.ру
↑ Вынік жаночай эстафеты (21 снежня 2002)

Спасылкі

Людміла Арлоўская — профіль на сайце IBU (англ.)
Людміла Арлоўская — алімпійская статыстыка на сайце Sports-Reference.com (англ.)

[МС-1] Суткі з былой лыжніцай з Комі Архівавана 27 лютага 2015. Нататка ў газеце «Моладзь Поўначы», № 43 (7218) ад 27 кастрычніка 2005 года

[Д-2] Алімпізм Архівавана 27 лютага 2015. Бліц-інтэрв’ю з Людмілай Арлоўскай на сайце таварыства «Дынама» (Беларусь) ад 21 чэрвеня 2011 года

[GW-3] Бамжыха Пераклад артыкула ў газеце Gazeta Wyborcza ад 8 кастрычніка 2005 года на сайце ИноСМИ.ру

[4] Вынік жаночай эстафеты (21 снежня 2002)

[1]

[2]

[3]

[4]