Маа Дунь

Маа Дунь
茅盾
Бюст Маа Дуня побач з домам у Пекіне, дзе ён жыў
1-ы Міністр культуры Кітая 21 кастрычніка 1949 — студзень 1965
Кіраўнік урада	Чжоу Эньлай
Папярэднік	пасада зацверджаная
Нараджэнне	4 ліпеня 1896(1896-07-04)[…] Тунсян[d], Цзяцінская ўправа[d], Чжэцзян, імперыя Цын
Смерць	27 сакавіка 1981(1981-03-27)[…] (84 гады) Пекін, Кітай
Бацька	Shen Yongxi[d]
Партыя	КПК
Член у	аддзяленне філасофіі і сацыяльных навук Кітайскай акадэміі навук[d]
Адукацыя	Пекінскі ўніверсітэт
Сайт	maodun.org
Медыяфайлы на Вікісховішчы

Маа Дунь (茅盾, сапр. Шэнь Яньбін, 沈雁冰; 4 ліпеня 1896, Дунсян, Дынастыя Цын — 27 сакавіка 1981, Пекін, Кітай) — кітайскі пісьменнік, грамадскі дзеяч.

Біяграфічныя звесткі

Вучыўся ў Пекінскім універсітэце. У 1949—1964 гадах міністр культуры КНР, у 1976—1981 — старшыня Саюза кітайскіх пісьменнікаў.

Творчасць

Яго творчасці ўласціва спалучэнне традыцыйнага стылю з патрабаваннямі эстэтыкі сацыялістычнага рэалізму. Сам вызначаў свой метад як «натуралізм». Да натуралістаў адносіў такіх аўтараў як Л. М. Талстой, А. П. Чэхаў. Лічыў іх сваімі папярэднікамі. Праблемы інтэлігенцыі, расчараванай у рэвалюцыі, адлюстраваны ў трылогіі «Зацьменне» (1927—1928), зборніках апавяданняў «Шыпшына» (1929) і «Леташняя трава» (1931). Жыццё кітайскага горада і вёскі ў аповесці «Крама сям'і Лінь» (1932), рамане «Перад світаннем» (1933). Рэвалюцыйныя настроі ў сялянскім асяроддзі — галоўная тэма «Вясковай трылогіі» (1932—1934). У гады вайны супраць Японіі (1937—1945) у творах гучаць патрыятычныя матывы (раман «Распад», 1941; аповесці «Несправядлівасць», «Аповесць пра першы этап», «Пасля разгрому» і інш.). Роздум пра лёс кітайскай правінцыі напярэдадні рэвалюцыі 1911 адлюстраваны ў рамане «Зарошанае лісце, чырвонае, як кветкі веснавыя» (1942). Аўтар літаратурна-крытычных твораў, публіцыстыкі (зборнікі «Натхненне». 1959: «Пра гісторыю і гістарычныя драмы», 1962, і інш.). Увёў у кітайскую літаратуру метад «плыні свядомасці» (раман «Распад»).

Прапагандаваў у Кітаі творчасць Томаса Мана, Эрнеста Хемінгуэя, Івана Вазава і інш. Перакладаў творы Валянціна Катаева, Васіля Гросмана. Падчас «культурнай рэвалюцыі» адышоў ад літаратурнай дзейнасці. У КНР ёсць літаратурная прэмія імя Маа Дуня.

Беларускія пераклады

• Вясеннія шаўкапрады // Полымя. 1953. № 11;
• Перад світаннем. Мн., 1959.

Літаратура

• Баршчэўскі Л. Мао Дунь // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• Сайт пра Маа Дуна Архівавана 1 ліпеня 2020. (кіт.)