Мазырскі аб’яднаны краязнаўчы музей

З пляцоўкі Вікіпедыя
Jump to navigation Jump to search
Мазырскі аб’яднаны краязнаўчы музей
Мазыр. Забудова Замкавай гары (05).jpg
Заснаваны 18 чэрвеня 1948
Адкрыты 1948 і 1984
Месцазнаходжанне
Агульная плошча 2323 м²
Выставачная плошча 1383 м²
Плошча запаснікаў 251 м²

Мазырскі аб’яднаны краязнаўчы музей — музей, заснаваны ў г.Мазыр паводле рашэння выканкама Палескага абласнога Савета дэпутатаў працоўных ад 18 чэрвеня 1948 г. як Палескі абласны краязнаўчы музей.

Аснову фондаў склалі экспанаты Палескай абласной выстаўкі дасягненняў народнай гаспадаркі 1949 года і этнаграфічныя экспанаты, сабраныя ў вобласці. У лютым 1954 г. перайменаваны ў Мазырскі краязнаўчы музей. 15 сакавіка 1977 г. музей закрыты, яго дзейнасць зведзена да ўліку і захавання існуючых калекцый. У пачатку 1980-х гт. было праведзена археалагічнае даследаванне Замкавай гары, гістарычнага цэнтра горада, а таксама некаторых аб’ектаў эпохі неаліту, у выніку музейныя фонды папоўніліся новымі прадметамі. У 1984 г. музей зноў пачаў працаваць. У сакавіку 2000 г. перайменаваны ў Мазырскі аб’яднаны краязнаўчы музей. Музеем кіравалі І. В. Гранькоў, АЛ.Пісарчык, А. П. Эльман, А. Р. Бобр і інш. З 1987 дырэктар І. І. Васількова.

Структура[правіць | правіць зыходнік]

У структуры музея:

  • выставачная зала (дзейнічае з 1984 г.);
  • музей партызанскай славы ў в. Раманаўка1989 г.);
  • музей-майстэрня мастака-кераміста М. М. Пушкара (з 1991 г.);
  • галерэя творчасці У. А. Мінейкі (з 2005 г.);
  • музей народнай культуры Мазыршчыны «Палеская веда» (з 1999 г.);
Краязнаўчы музей на Замкавай гары
  • краязнаўчы музей (з 1993 г.) з дэкаратыўна аформленым гістарычным цэнтрам «Мазырскі замак» (з 2005 г.).

Экспазіцыя[правіць | правіць зыходнік]

Асноўны фонд музея (2008) налічвае 26 218 адзінак захоўвання, дапаможны — 17 911 адзінку. У склад музея ўваходзяць 6 будынкаў агульнай плошчаю 2323 м², з іх экспазіцыйных — 1383 м², выставачных — 384 м², пад захоўванне фондаў — 251 м². Агульная плошча тэрыторыі 0,85 га.

У краязнаўчым музеі дзейнічаюць пастаянныя выстаўкі «Прырода нашага краю», дзе прадстаўлены чучалы птушак і звяроў Беларусі, і археалагічная, складзеная ў асноўным са знаходак з раскопак на тэрыторыі Мазыршчыны і з прадметаў побыту, перададзеных музею гараджанамі. Сярод шматлікіх экспанатаў заслугоўваюць увагі амфара пачатку 12 ст., фрагменты кафлі з жаночай выявай 15 — 16 ст., недаследаваны старажытны каменны крыж, чарнільны прыбор канца 19 — пачатку 20 ст. Гістарычны цэнтр «Мазырскі замак» уяўляе сабой унікальны музей, які ўключае ўсю ландшафтную зону з архітэктурна-планіровачнай забудовай. На тэрыторыі замка захаваўся падмурак царквы Святога Спаса пачатку 15 ст., студня глыбінёй больш за 70 м. У 3 вежах размясціліся пастаянныя экспазіцыі: «Збройная» з муляжамі зброі Вялікага Княства Літоўскага, «Адміністрацыйная» з гістарычнымі атрыбутамі гарадской улады (пячатка, гербы) і «Паляўнічая», дзе прадстаўлены рыштунак палескага паляўнічага і яго трафеі.

Спасылкі[правіць | правіць зыходнік]