Майсей Карлавіч Гардон

Майсей Карлавіч Гардон
Дата нараджэння	6 мая 1905(1905-05-06)
Месца нараджэння	Вільня, Віленскі павет, Віленская губерня, Расійская імперыя
Дата смерці	1984
Грамадзянства	СССР
Род дзейнасці	урач, кардыёлаг, медыцынскі адміністратар, тэрапеўт, ваенны ўрач
Месца працы	Вілейская ЦРБ[d]
Навуковая ступень	кандыдат медыцынскіх навук
Альма-матар	медыцынскі факультэт Віленскага ўніверсітэта[d] (1930)
Узнагароды

Майсей Карлавіч Гардон (1905—1984) — беларускі ўрач-тэрапеўт, арганізатар аховы здароўя. Кандыдат медыцынскіх навук (1964), заслужаны ўрач БССР.

Біяграфія

Нарадзіўся ў Вільне ў 195 годзе. Скончыў медыцынскі факультэт Віленскага ўніверсітэта ў 1930 годзе.

Да вайны працаваў ардынатарам у адной з клінік г. Вільні. Ад пачатку вайны да 1943 года знаходзіўся ў яўрэйскім гета. У складзе ўзброенай групы, вырваўшыся з гета ў 1943 годзе, патрапіў у партызанскі атрад імя Кутузава «Знішчальнік», у красавіку 1944 года прызначаны ўрачом брыгады імя Даватара.

Пасля дэмабілізацыі ў 1945 годзе спачатку працаваў загадчыкам Куранецкага райздраўаддзела, а затым да 1949 года працаваў галоўным урачом абласной бальніцы ў г. Вілейцы. Далей, каля 20 гадоў, быў загадчыкам тэрапеўтычнага аддзялення Вілейскай ЦРБ. Арганізаваў працу клініка-дыягнастычнай лабараторыі і адзінага на той час электракардыяграфічнага кабінета ў вобласці.

Памёр у 1984 годзе.

Навуковая дзейнасць

Навуковыя інтарэсы: лячэнне сардэчна-сасудзістых захворванняў; гарманальная тэрапія; клінічная лабараторная дыягностыка; электракардыяграфія.

Бібліяграфія

• Некоторые показатели состояния сердечно-сосудистой системы у больных, леченных адренокортикотропным гормоном (АКТГ) и кортикостероидами : автореферат диссертации ... кандидата медицинских наук / М. К. Гордон. — Минск, 1963

Узнагароды

• званне «Заслужаны ўрач Беларускай ССР» (1961)
• медаль «Партызану Айчыннай вайны» I ступені.

Літаратура

• Гардон Майсей Карпілевіч // Памяць : Вілейскі раён. — Мінск, 2003. — С. 566—567