Перайсці да зместу

Маладзечнамэбля

З Вікіпедыі, свабоднай энцыклапедыі
ЗАТ «Маладзечнамэбля»
ЗАТ «Маладзечнамэбля»
Тып Закрытае акцыянернае таварыства
Заснаванне 1954
Размяшчэнне  Беларусь Маладзечна
Адрас
Ключавыя постаці Валерый Уладзіміравіч Бушыла (генеральны дырэктар)
Галіна Мэблевая прамысловасць
Прадукцыя Мэбля
Сайт molodechnomebel.by

ЗАТ «Маладзечнамэбля» — беларуская мэблевая фабрыка, заснаваная ў 1954 годзе. Сёння 54 % мэблі пастаўляецца на экспарт, у тым ліку ў Бельгію, Францыю, краіны Балтыі і інш. Фабрыка мае 19 ўласных магазінаў у Беларусі і 5 на тэрыторыі Расіі. Прадстаўніцтвы фабрыкі ёсць у Абхазіі, Арменіі, Расіі, Казахстане і Узбекістане. У склад ЗАТ «МаладзечнаМэбля» ўваходзіць філіял — Вілейская мэблевая фабрыка.

Гісторыя

[правіць | правіць зыходнік]

1950 — 1980-я гады

[правіць | правіць зыходнік]

Маладзечна пасля вайны быў разбураны на 90 % [1]. Да 1950 годзе жылы фонд адбудавалі, аднаўлялі прамысловасць, у тым ліку і сталярна-мэблевы цэх Гарпрамкамбіната ў былых стайнях Польскага ўланскага палка. У ім 11 чалавек уручную выраблялі фарбаваныя столы, шафы, вокны, дзверы і дробныя сталярныя вырабы. 1 сакавіка 1954 года на базе цэха была заснавана Маладзечанская мэблевая фабрыка ў складзе «Белмэблятрэста» Міністэрства мясцовай прамысловасці БССР. Вілейская мэблевая фабрыка пачала працаваць 6 сакавіка 1954 года. 29 чалавек правялі сход і арганізавалі кааператыўную арцель ім. Малянкова. Ў 1963 годзе Вілейскую фабрыку ўключылі ў Маладзечанскую на правах цэха. У пачатку 1970-х гадоў было ўстаноўлена найноўшае нямецкае абсталяванне, фабрыка была ўзорнай, на яе накіроўвалі замежныя дэлегацыі. Асноўная тэндэнцыя гэтага часу — ажыятажны попыт стрымліваў развіццё дызайну і асартыменту мэблі аж да сярэдзіны 1990-х гадоў.

1990-я гады

[правіць | правіць зыходнік]

Прадпрыемства перайшло на гасразліковы спосаб працы. Пачалі самастойную распрацоўку мадэляў мэблі. Быў абраны выраб мэблі з масіўнай драўніны. У 1993 годзе на фабрыцы з’явіліся першыя два станкі з ЧПУ.

Энергаспажыванне

[правіць | правіць зыходнік]

У 1994 годзе доля энергетычных рэсурсаў у сабекошце прадукцыі складала 14 %. Дзякуючы ўстаноўцы лічыльнікаў, увядзенні лімітаў і аптымізацыі вентыляцыйнай сістэмы атрымалася знізіць долю энергазатрат да 8-9 %. У 1999 годзе была здадзена ў эксплуатацыю ўласная кацельня, якая працуе на драўняных адходах. У выніку ўдзельная вага цепла-і энергарэсурсаў у сабекошце прадукцыі знізілася да 4 % летам і 5,5 % зімой. ЗАТ «Маладзечнамэбля» цалкам забяспечвае сябе парам і гарачай вадой і пастаўляе цяпло насельніцтву.

2000-я гады

[правіць | правіць зыходнік]

Сёння фабрыка налічвае больш за 500 мадэляў мэблі, актыўна развіваецца сетка крам, гандлёвых дамоў і прадстаўніцтваў. Сістэма менеджменту якасці ЗАТ «Маладзечнамэбля» сертыфікавана на адпаведнасць патрабаванням міжнароднага стандарту ISO 9001:2008. Асаблівая ўвага надаецца экалагічнасці мэблі. ЗАТ «Маладзечнамэбля» — першая і адзіная мэблевая фабрыка ў Беларусі, якая цалкам адмовілася ад выкарыстання нітралакаў і перайшла на воднарастваральныя лакі.

Дырэктары

[правіць | правіць зыходнік]
  • Мікалай Іванавіч Гальперын (1954—1958)
  • Георгій Іванавіч Ліпаўка (1958—1977)
  • Яўген Цітовіч Радкевіч (1977—1977)
  • Барыс Пятровіч Парапковіч (1977—1985)
  • Валерый Уладзіміравіч Бушыла (з 1985)

Узнагароды

[правіць | правіць зыходнік]
  • Прэмія Урада Рэспублікі Беларусь за дасягненні ў галіне якасці (2005)[2]
  • Прэмія Урада Рэспублікі Беларусь за дасягненні ў галіне якасці (2010)[3]

Асацыяцыі

[правіць | правіць зыходнік]

Член Гандлёва-прамысловай палаты.

Спорт

[правіць | правіць зыходнік]

Футбольны клуб «Маладзечна» існуе на фабрыцы з 2004 года. З 2009 года трапляе ў прызы ў Мінскай лізе аматарскага футзала. У 2013 годзе заваявалі званне чэмпіёнаў 3-й лігі[4].

Публікацыі

[правіць | правіць зыходнік]
  • «З саматужнікаў-адзіночак у столяра-прафесіяналы», УП Тэхнапрынт, 2004. — ISBN 985-464-564-9

Зноскі

  1. ↑ История | РЕГИОН | Молодеченский район|Молодечно|Молодеченский райисполком|Новости Молодеченского района(недаступная спасылка). Архівавана з першакрыніцы 28 кастрычніка 2012. Праверана 29 жніўня 2013.
  2. ↑ Архивированная копия(недаступная спасылка). Архівавана з першакрыніцы 21 мая 2015. Праверана 29 жніўня 2013.
  3. ↑ Новости - Государственный Комитет по Стандартизации Республики Беларусь(недаступная спасылка). Архівавана з першакрыніцы 17 ліпеня 2014. Праверана 29 жніўня 2013.
  4. ↑ чемпионы

Спасылкі

[правіць | правіць зыходнік]
Узята з "https://be.wikipedia.org/wiki/Маладзечнамэбля"