Медаль «За размініраванне Пальміры»
| Медаль «За вызваленне Пальміры» | |||
|---|---|---|---|
|
|||
| Краіна |
 Расія |
||
| Тып | медаль | ||
| Каму ўручаецца | вайскоўцы і грамадзянскія асобы | ||
| Кім уручаецца | Міністэрства абароны Расійскай Федэрацыі | ||
| Дата заснавання | 14 мая 2016 | ||
| Статус | уручаецца | ||
.png){kind=small}
Медаль «За размініраванне Пальміры» (руск.: Медаль «За разминирование Пальмиры») — ведамасная ўзнагарода Міністэрства абароны Расійскай Федэрацыі. Заснавана 16 мая 2016 года загадам міністра абароны № 277 «Аб заснаванні медаля Міністэрства абароны Расійскай Федэрацыі „За вызваленне Пальміры“»[1].
Палажэнне аб медалі
[правіць | правіць зыходнік]Медалём узнагароджваюцца[2]:
- вайскоўцы Узброеных сіл Расіі за адзнаку, адвагу і самаадданасць, высокі прафесіяналізм, праяўленыя пры выкананні задач па выяўленні і абясшкоджванню (знішчэнню) выбухованебяспечных прадметаў у ходзе размініравання Пальміры;
- вайскоўцы і асобы грамадзянскага персаналу ўзброеных сіл, якія прынялі ўдзел у арганізацыі і забеспячэнні размініравання Пальміры і кіраўніцтве дзеяннямі падначаленых;
- іншыя грамадзяне Расійскай Федэрацыі, замежныя грамадзяне, якія аказалі садзейнічанне ў вырашэнні задач па размініраванні Пальміры.
Медаль (стужка медаля) носіцца на левым баку грудзей.
Апісанне медалі
[правіць | правіць зыходнік]Медаль з металу залацістага колеру, мае форму круга дыяметрам 32 мм з выпуклым борцікам з абодвух бакоў.
На адным баку медалі ў цэнтры — рэльефная аднакаляровая выява Трыумфальнай аркі і аліўкавых галін пад ёй. У верхняй частцы па крузе — рэльефны надпіс: «ЗА РАЗМИНИРОВАНИЕ ПАЛЬМИРЫ» (бел.: ЗА РАЗМІНІРАВАННЕ ПАЛЬМІРЫ). На адваротным баку медаля: у цэнтры — рэльефная аднакаляровая выява эмблемы міністэрства абароны РФ (увянчаны каронай двухгаловы арол з распасцёртымі крыламі. У правай лапе арла — меч, у левай — дубовы вянок. На грудзях арла — трохкутны, выцягнуты дадолу шчыт. У полі шчыта – вершнік, які б’е дзідай дракона), па крузе – рэльефны надпіс: у верхняй частцы – «МИНИСТЕРСТВО ОБОРОНЫ» (бел.: МІНІСТЭРСТВА АБАРОНЫ), у ніжняй частцы — «РОССИЙСКОЙ ФЕДЕРАЦИИ» (бел.: РАСІЙСКАЙ ФЕДЭРАЦЫІ).
Медаль пры дапамозе вушка і кальца злучаецца з пяцікутнай калодкай, абцягнутай шаўковай муаравай стужкай шырынёй 24 мм. З правага краю стужкі аранжавая паласа шырынёй 10 мм, абрамленая чорнай паласой шырынёй 2 мм, лявей – роўнавялікія чорная, белая і чырвоная паласы.
Семантыка
[правіць | правіць зыходнік]Элементы медаля сімвалізуюць:
- Трыумфальная арка (славутасць Пальміры) і аліўкавыя галіны (сімвал міру і міралюбнасці) – высокі прафесіяналізм, мужнасць і адвагу, праяўленыя пры выкананні задач пры правядзенні аперацыі па размініраванні Пальміры;
- эмблема міністэрства абароны і аранжавая паласа стужкі медалі, абрамленая чорнай паласой, — прыналежнасць медалі да сістэмы знакаў адрознення Узброеных сіл Расіі;
- чорная, белая і чырвоная палосы стужкі медалі (колеры сцяга інжынерных войскаў Расіі) — прызначэнне медаля для ўзнагароджання вайскоўцаў і асоб грамадзянскага персаналу ўзброеных сіл, а таксама іншых і замежных грамадзян, якія аказалі садзейнічанне ў вырашэнні задач па размініраванні Пальміры.
Узнагароджанне
[правіць | правіць зыходнік]- 27 мая 2016 года ў горадзе Мураме, прама на чыгуначным вакзале, медалём «За размініраванне Пальміры» былі ўзнагароджаны вайскоўцы інжынерна-сапёрнай брыгады, якія вярнуліся з Сірыі. Больш за паўтары месяцаў яны працавалі ў вызваленай Пальміры. За час камандзіроўкі мурамскія сапёры цалкам ачысцілі ад мін амаль тысячу гектараў на тэрыторыі горада і звыш 100 кіламетраў дарог, абясшкодзіўшы каля 20 тысяч выбухованебяспечных прадметаў[3][4].
- 7 чэрвеня 2016 года ў падмаскоўным пасёлку Нахабіна было ўзнагароджана больш за 30 вайскоўцаў Міжнароднага супрацьміннага цэнтра Узброеных Сіл РФ, якія вярнуліся з Сірыі[5].
Гл. таксама
[правіць | правіць зыходнік]Зноскі
- ↑ Медальный зачёт России в военной операции в Сирии Архівавана 7 сакавіка 2017. / 22.08.2016 «Часть 1»
- ↑ Медаль «За разминирование Пальмиры» / «Полевая почта»
- ↑ Муромских саперов наградили за разминирование Пальмиры date=2016-05-27 / 27.05.2016 (15:00) «НТВ новости»
- ↑ В Россию вернулись саперы, работавшие на разминировании сирийской Пальмиры / 27.05. 2016 (15:12) «Первый канал»
- ↑ Более 30 военнослужащих инженерных войск ВС РФ награждены за разминирование Пальмиры Архівавана 15 жніўня 2016. / 07.06.2016 (16:05) www.defence.ru
Літаратура
[правіць | правіць зыходнік]- Олег Сыромятников. Медали министерства обороны РФ за Сирию // Петербургский коллекционер : журнал. — 2016. — № 4 (96). — С. 96—100.