Мечыслаў Мар’янавіч Марквардэ

Мечыслаў Мар’янавіч Марквардэ
Мечыслаў Мар’янавіч Марквардэ
Дата нараджэння	5 чэрвеня 1929
Месца нараджэння	Уздзенскі раён, Менская акруга, БССР, СССР;
Дата смерці	12 мая 2020 (90 гадоў)
Грамадзянства	СССР; Беларусь;
Дзеці	Юрый Мечыслававіч Марквардэ[d]
Род дзейнасці	урач
Навуковая сфера	рэнтгенадыягностыка
Месца працы	Беларускі дзяржаўны медыцынскі ўніверсітэт, БелМАПА
Навуковая ступень	доктар медыцынскіх навук (1981)
Навуковае званне	прафесар[d];
Альма-матар	Куйбышаўскі медыцынскі інстытут[d] (1953);

Мечыслаў Мар’янавыч Марква́рдэ^[1] (5 чэрвеня 1929, вёска Уздзянка, Уздзенскі раён, Мінская вобласць -- 12 мая 2020) — беларускі рэнтгенолаг, доктар медыцынскіх навук (1981), прафесар (1982).

Біяграфія[правіць | правіць зыходнік]

Вучыўся ў Мінскім медыцынскім інстытуце (1947—1952), скончыў Ваенна-медыцынскі факультэт пры Куйбышаўскім медыцынскім інстытуце ў 1953 г. Служыў у Савецкай Арміі (1953—1956).

Клінічны ардынатар кафедры рэнтгеналогіі Беларускага інстытута ўдасканалення ўрачоў — 1956—1958; аспірант кафедры — 1958—1959. Асістэнт кафедры — 1959—1967; прысуджана вучоная ступень кандыдата медыцынскіх навук (1964). Дацэнт кафедры — 1967—1968; прысвоена вучонае званне дацэнта (1968). Загадчык кафедры рэнтгеналогіі Мінскага медыцынскага інстытута — 1968—1995; прысуджана вучоная ступень доктара медыцынскіх навук (1981); званне прафесара (1982). Прафесар кафедры прамянёвай дыягностыкі і тэрапіі Беларускага медыцынскага ўніверсітэта — 1995—2004.

Выкладчык прамянёвай дыягностыкі Цэнтра падрыхтоўкі сярэдняй медыцынскага і фармакалагічнай адукацыі БелМАПА — з 2004 года па цяперашні час. Мае вышэйшую медыцынскую кваліфікацыйную катэгорыю ў галіне прамянёвай дыягностыкі.

Навуковая дзейнасць[правіць | правіць зыходнік]

Сфера навуковых інтарэсаў — даследаванні жоўцевыводзячай сістэмы. Гэтай праблеме прысвяціў кандыдацкую дысертацыю і шмат наступных публікацый. Вялікае значэнне надае методыцы выкладання прадмета прамянёвай дыягностыкі. Аўтар навучальных дапаможнікаў: «Рэнтгеналагічнае даследаванне касцёва-сустаўнага апарата» (2002) і інш.

Аўтар прагрэсіўнай канцэпцыі рэарганізацыі і абнаўлення службы прамянёвай дыягностыкі ў Беларусі, пастаянна ажыццяўляе навукова-тэхнічную экспертызу па новай тэхніцы і тэхналогіях.

М. М. Марквардэ адказны рэдактар і член рэдакцыйных калегій 8 зборнікаў навуковых прац. Аўтар больш за 125 навуковых прац, адной манаграфіі, 2 вынаходніцтваў, аднаго патэнта, 15 навучальных дапаможнікаў, 13 рацыяналізатарскіх прапаноў. Пад яго кіраўніцтвам абаронена 6 кандыдацкіх дысертацый.

Старшыня праўлення беларускага навуковага таварыства прамянёвых дыягностаў у 1965—2005 гг.

Зноскі

↑ Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.

Літаратура[правіць | правіць зыходнік]

Марквардэ // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10). — С. 117.
Заведующие кафедрами и пофессора Минского медицинского института (1921—1966) : биографический справочник. — Минск, 1999.
Марквардэ Мечыслаў Мар’янавіч // Памяць : Уздзенскі раён. — Мінск, 2003. — С. 485.

Спасылкі[правіць | правіць зыходнік]

Маркварде Мечислав Марианович Архівавана 29 мая 2019. (руск.) // Сайт БДУ
Маркварде, Мечислав Марианович (доктор медицинских наук; род. 1929)(недаступная спасылка) (руск.) // Нацыянальная бібліятэка Беларусі

[БЭ10-1] Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.

[1]

Тэматычныя сайты	Scopus
Нарматыўны кантроль	ЗЭКББ: SEK-199474