Уздзянка

З пляцоўкі Вікіпедыя
Перайсці да: рух, знайсці
Уздзянка
Характарыстыка
Даўжыня 57 км
Плошча басейна 334 км²
Басейн Нёман
Басейн рэк Балтыйскае мора
Расход вады 2 м³/с (у вусці)
Вадацёк
Выток
 · Месцазнаходжанне каля паўднёва-заходняй ускраіны вёскі Віцкаўшчына
 · Каардынаты 53°44′03″ пн. ш. 27°21′33″ у. д.HGЯO
Вусце Уса
 · Месцазнаходжанне за 0,5 км на ўсход ад вёскі Сямёнавічы
 · Каардынаты 53°25′44″ пн. ш. 27°08′36″ у. д.HGЯO
Ухіл ракі 1 м/км
Размяшчэнне
Краіна Flag of Belarus.svg Беларусь
Рэгіён Мінская вобласць
Раён Дзяржынскі раён, Уздзенскі раён
Уздзянка (Мінская вобласць)
выток
выток
вусце
вусце

Уздзя́нка, Жэсць, Жыццё[1] — рака ў Дзяржынскім і Уздзенскім раёнах Мінскай вобласці Беларусі, левы прыток ракі Уса (басейн Нёмана).

Даўжыня ракі 57 км. Плошча вадазбору 334 км². Сярэднегадавы расход вады ў вусці 2 м³/с. Сярэдні нахіл воднай паверхні 1 м/км.

Асноўны прыток — Алёхаўка.

Пачынаецца каля паўднёва-заходняй ускраіны вёскі Віцкаўшчына Дзяржынскага раёна, цячэ па Стаўбцоўскай раўніне, праз горад Узда, упадае ва Усу за 0,5 км на ўсход ад вёскі Сямёнавічы Уздзенскага раёна. У верхнім цячэнні называецца Жэсць. Даліна ў вярхоўі невыразная, на астатнім працягу трапецападобная, яе шырыня 400—600 м. Да вёскі Дуброўка рака цячэ па асушаным балоце, ніжэй пойма роўная, адкрытая (шырыня 40—50 м), месцамі адсутнічае. Рэчышча на працягу 18 км каналізаванае: 14 км ад вытоку і 4 км ад пункта за 1,2 км на паўночны захад ад вёскі Аляксандрова да вёскі Чурылава. Каля вёскі Краснае магчымы пераліў у ручай без назвы. Каля вёсак Дабрынёва і Узрэчча на рацэ сажалка.

На рацэ горад Узда.

Зноскі

  1. Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн.: БелЭн, 2003. — Т. 16. — С. 181. — 576 с. — 10 000 экз. — ISBN 985-11-0263-6 (Т. 16).

Літаратура[правіць | правіць зыходнік]

  • Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн.: БелЭн, 2003. — Т. 16. — С. 181. — 576 с. — 10 000 экз. — ISBN 985-11-0263-6 (Т. 16).
  • Блакітная кніга Беларусі — Мн.: БелЭн, 1994.
  • Республика Беларусь. Атлас охотника и рыболова: Минская область / Редактор Г. Г. Науменко — Мн.: РУП «Белкартография», 2009. — С. 18, 25—26. — 60 с. — 20 000 экз. — ISBN 978-985-508-174-7.(руск.)