Мікалай Аляксеевіч Сташанкоў

Мікалай Аляксеевіч Сташанкоў
Міністр гандлю БССР 1980 — 1981
Кіраўнік урада	Аляксандр Аксёнаў
Папярэднік	Мікалай Малочка
Пераемнік	Мікалай Макаед
Нараджэнне	15 сакавіка 1934(1934-03-15) (89 гадоў) Драгелі, Руднянскі раён, Заходняя вобласць, РСФСР, СССР
Жонка	Валянціна Міхайлаўна
Дзеці	дачкі Іна і Наталья
Адукацыя	Беларускі дзяржаўны інстытут народнай гаспадаркі імя В. У. Куйбышава (1957) Расійская акадэмія народнай гаспадаркі і дзяржаўнай службы пры Прэзідэнце Расійскай Федэрацыі[d] (1980)
Дзейнасць	дзяржаўны дзеяч
Узнагароды

Мікала́й Аляксе́евіч Сташанко́ў (нар. 15 сакавіка 1934, в. Драгелі Руднянскага раёна Смаленскай вобласці) — савецкі беларускі партыйны і дзяржаўны дзеяч, міністр гандлю БССР (1980—1981).

Біяграфія

Скончыў Беларускі дзяржаўны інстытут народнай гаспадаркі імя В. У. Куйбышава (1957), Акадэмію народнай гаспадаркі (1980).

Працаваў на розных пасадах у гандлёвых арганізацыях і дзяржустановах Віцебска. З 1969 года ў ЦК КПБ намеснік, а з 1971 загадчык аддзела гандлю і бытавога абслугоўвання, у 1980—1981 займаў пасаду міністра гандлю БССР, пасля быў прызначаны намеснікам Міністра гандлю СССР, у 1983—1984 гадах з’яўляўся пастаянным прадстаўніком Савета Міністраў БССР пры Савеце Міністраў СССР. У 1984—1988 працаваў намеснікам загадчыка, затым загадчыкам аддзела гандлю і бытавога абслугоўвання ЦК КПСС. На пенсіі з 1994 года.

Кандыдат у члены ЦК КПБ і ЦК КПСС (1986—1990).

Дэпутат Вярхоўнага Савета БССР 8—9 скліканняў.

Узнагароды

• два ордэны Працоўнага Чырвонага Сцяга (1976),
• Ордэн Дружбы народаў (1985),
• медалі

Спасылкі

• СТАШЕНКОВ НИКОЛАЙ АЛЕКСЕЕВИЧ(руск.) // Белорусский государственный экономический университет в биографиях преподавателей и выпускников. 75 лет (1933—2008). — Мн.: БГЭУ, 2008. — С. 308. — ISBN 978-985-484-515-9.