Нарадзіўся ў Джорджыі, быў прадпрымальнікам і журналістам, заснаваў (1828) газету «Columbus Enquirer», якая выходзіць і сёння, затым атрымаў дыплом юрыста. У 1834 годзе пераехаў у Тэхас. Удзельнічаў у вайне за незалежнасць Тэхаса, увесну 1836 года далучыўшыся да войска Сэма Х’юстана. Напярэдадні бітвы пры Сан-Хасінта, 20 красавіка, у сутычцы з мексіканцамі мужна выратаваў двух акружаных тэхасцаў, за што быў тут жа павышаны з радавога да палкоўніка і быў пастаўлены на чале кавалерыі. У гэтай новай якасці ўдзельнічаў у самой бітве 21 красавіка.
Другі прэзідэнт (1838—1841) незалежнай Рэспублікі Тэхас. Дамагаўся афіцыйнага прызнання суверэнітэту рэспублікі з боку еўрапейскіх дзяржаў (у выніку чаго Тэхас быў прызнаны Францыяй, Вялікабрытаніяй і Бельгіяй) і фінансавай падтрымкі з іх жа боку (гэтага не адбылося), распачаў некалькі кровапралітных узброеных кампаній па выцясненні з тэрыторыі Тэхаса індзейскіх плямёнаў, перанёс сталіцу з Х’юстана ў Остын. Атрымаў мянушку «бацька тэхаскай адукацыі», адвёў 50 ліг зямлі пад дзве навучальныя ўстановы, якія сталі пазней Тэхаскім універсітэтам A&M і Тэхаскім універсітэтам у Остыне.
Пасля далучэння Тэхаса да ЗША ў 1846 годзе быў дэпутатам заканадаўчага сходу штата Тэхас, у 1857—1858 гадах — пасол ЗША ў Нікарагуа.
Медыяфайлы на Вікісховішчы