Надзея Анатолеўна Мікуліч

Надзея Анатолеўна Мікуліч
Асноўная інфармацыя
Дата нараджэння	14 студзеня 1953(1953-01-14) (73 гады)
Месца нараджэння	Скідзельскі раён, Гродзенская вобласць, Беларуская ССР, СССР
Краіна	СССР Беларусь
Альма-матар	Гуманітарны каледж (Гродна)
Музычная дзейнасць
Прафесіі	спявачка , кампазітарка
Гады актыўнасці	з 1971
Інструменты	гітара, губны гармонік, акардэон, балалайка, домра
Жанры	папулярная музыка
Калектыў	«Верасы» «Чараўніцы» Белдзяржфілармонія
Грамадская дзейнасць
Член у	Саюз музычных дзеячаў Беларусі
Узнагароды

Надзе́я Анато́леўна Міку́ліч (нар. 14 студзеня 1953, пас. Цукровы Завод, Гродзенская вобласць) — беларуская спявачка, кампазітарка. Заслужаная артыстка Рэспублікі Беларусь.

Біяграфія

Навучалася ў Гродзенскім музычна-педагагічным вучылішчы, займалася баскетболам, выступала ў жаночым вакальна-інструментальным ансамблі «Чараўніцы».

У 1972—1980 была вакалісткай ВІА «Верасы». Стала першай выканаўцай песні Эдуарда Ханка «Малиновки заслыша голосок», а таксама «Любишь не любишь», «Чур-чура», «Зарянка», «Я живу в заповедном краю», «Пусть будет мир цветным» («Белым будь снег и чистым»), вельмі папулярных у СССР на пачатку 1980-х гадоў.

З ансамблю Надзея сышла ў дэкрэтны адпачынак, але назад ужо не вярнулася. Голас на пэўны час знік, пасля вярнуўшыся ўжо больш нізкім.

Надзея Мікуліч выконвае песні беларускіх, расійскіх кампазітараў і ўласныя. Сярод апошніх — «Ой, бяда», «Тем, кто любит», «Родимый дом», «Только мама» і іншыя. З песняй «Ксеня» Уладзіміра Будніка, якую шмат хто лічыць народнай, Надзея Мікуліч стала дыпламанткай Усесаюзнага конкурсу артыстаў эстрады.

Выпусціла 4 аўдыёальбомы, 3 кампакт-дыскі.

Член Беларускага саюза музычных дзеячаў з 1991 года.

Сям’я

Муж Надзеі Барыс Белы працаваў адміністратарам калектыву «Верасы». Цяпер выступае на сольных канцэртах, часам разам з Рыгорам Палішчуком.

Дыскаграфія

• «Тем, кто любит» (2005)
• «Святая муза» (2008)
• «Я вернусь» (2008)

Літаратура

• Д.П. МІКУЛІЧ НАДЗЕЯ (Микулич Надежда, Mikulich Nadzeya) // Энцыклапедыя беларускай папулярнай музыкі / уклад. Дз. Падбярэзскі і інш. — Мінск: Зміцер Колас, 2008. — С. 181–182. — 368 с. — 2 000 экз. — ISBN 978-985-6783-42-8.

Спасылкі

• Девушка из «Верасов» Надежда Микулич: «Я родила ребёнка и лишилась голоса…»(недаступная спасылка) // «Комсомольская правда», Антон ЛУБНЕВСКИЙ, 22.01.2009