Гуманітарны каледж (Гродна)

Гуманітарны каледж Гродзенскага дзяржаўнага ўніверсітэта імя Янкі Купалы  (Гуманітарны каледж)
Тып	каледж
Дырэктар	Наталля Аляксандраўна Валковіч
Размяшчэнне	Беларусь
Адрас	230025, г. Гродна, вул. Леніна, 4
gumcol.grsu.by

Гуманітарны каледж — сярэдняя спецыяльная навучальная ўстанова ў г. Гродна. Філіял Гродзенскага дзяржаўнага ўніверсітэта імя Янкі Купалы.

Гісторыя

Адна з старэйшых сярэдніх спецыяльных навучальных устаноў Беларусі ў розныя перыяды свайго існавання дзейнічала як вучылішча, гімназія, школа. Заснаваны як Гродзенскае педагагічнае вучылішча ў 1939 годзе ў адпаведнасці з пастановай выканаўчага камітэта Беластоцкага абласнога Савета дэпутатаў працоўных. Загадам № 263 ад 02.08.1952 Міністэрства асветы БССР рэарганізавана ў Гродзенскае музычна-педагагічнае вучылішча, загадам № 6 ад 12.01.1977 перайменавана ў Гродзенскае педагагічнае вучылішча.

У 2000 годзе рэарганізавана ў Гродзенскі дзяржаўны педагагічны каледж, які ў 2004 годзе ўвайшоў у склад ГрДУ імя Янкі Купалы. У маі 2009 годзе навучальная ўстанова атрымала новы статус — Гуманітарны каледж Гродзенскага дзяржаўнага ўніверсітэта імя Янкі Купалы.

Спецыяльнасці

• Музычная адукацыя
• Дашкольная адукацыя
• Фізічная культура
• Турызм і гасціннасць
• Дакументазнаўства і дакументацыйнае забеспячэнне кіравання
• Дызайн (графічны)

Дырэктары

• Наталля Аляксандраўна Валковіч

Спасылкі

• Афіцыйны сайт