Напад на школу ў Мпондвэ (2023)

З Вікіпедыі, свабоднай энцыклапедыі
Напад на школу ў Мпондвэ (2023)
Месца нападу Уганда сярэдняя школа Лхубірыха, г. Мпондвэ
Дата 16 чэрвеня 2023
23:30
Зброя бензінавыя выбухоўкі, мачэтэ
Загінулыя 42
Параненыя 8
Колькасць тэрарыстаў 5 чалавек
Арганізатары Саюзныя дэмакратычныя сілы

16 чэрвеня 2023 года джыхадзісты з групоўкі «Саюзныя дэмакратычныя сілы», якая мае сувязі з Ісламскай дзяржавай[1], напалі на школу ў Мпондвэ, горадзе ў заходняй Угандзе на мяжы з Дэмакратычнай Рэспублікай Конга. Загінулі 42 чалавекі, з іх 38 вучняў[2]. Некалькі чалавек былі выкрадзены[3].

Школа[правіць | правіць зыходнік]

Сярэдняя школа Лхубірыха — прыватная школа-інтэрнат, пабудаваная канадскай няўрадавай арганізацыяй. На момант нападу ў чэрвені 2023 года там пражывалі 63 вучні. Права ўласнасці і кантроль над установай былі прадметам спрэчкі[4][5].

Ход падзей[правіць | правіць зыходнік]

Атака паўстанцаў на школу адбылася прыкладна а 23:30. Група з пяці нападнікаў падпаліла інтэрнат і разрабавала харчовую краму. Падчас акцыі баевікоў загінулі 42 чалавекі, у тым ліку 38 навучэнцаў, школьны ахоўнік і трое мясцовых жыхароў[6][7]. Восем чалавек былі шпіталізаваны ў крытычным стане. Яшчэ шасцёра выкрадзены, у асноўным вучаніцы[8]. З 38 забітых вучняў 20 былі дзяўчынкамі (былі засечаны да смерці), 18 — хлопчыкамі (загінулі падчас падпалу)[9]. Некаторыя целы атрымалі шырокія апёкі, што запатрабавала правядзення тэстаў ДНК для апазнання. Нападнікі падпалілі матрацы і, як паведамлялася, узарвалі бомбы[5].

Адказнасць[правіць | правіць зыходнік]

Паводле разведданых сілавікоў, баевікі з’явіліся ў раёне Мпондвэ як мінімум за два дні да атакі. Паліцыя ўстанавіла, што адказнасць за напад нясе групоўка «Саюзныя дэмакратычныя сілы». Яе фарміраванні актыўна ўдзельнічалі ў баявых дзеяннях у Ківу супраць урада суседняй ДРК[5].

Наступствы[правіць | правіць зыходнік]

Узброеныя сілы Уганды арганізавалі пагоню за нападнікамі. Баевікі беглі ў напрамку нацыянальнага парку Вірунга ў ДРК. Для аказання дапамогі ў выяўленні джыхадзістаў прыцягнута ваенная авіяцыя[5].

Заўвагі[правіць | правіць зыходнік]

  1. ↑ West, Sunguta (31 May 2019). "Has Islamic State Really Entered the Congo and is an IS Province There a Gamble?" (PDF). Terrorism Monitor. Jamestown Foundation. 17 (11): 7–9. Архівавана з арыгінала (PDF) 26 July 2019. Праверана 26 July 2019.
  2. ↑ Dozens killed, six abducted in attack on Uganda school (англ.). www.aljazeera.com. Праверана 19 чэрвеня 2023.
  3. ↑ Глава ООН осудил нападение на школу в Уганде | Новости ООН (руск.). news.un.org (17 чэрвеня 2023). Праверана 19 чэрвеня 2023.
  4. ↑ Attacked school had ownership wrangles- Janet (англ.). Monitor (17 чэрвеня 2023). Праверана 19 чэрвеня 2023.
  5. ↑ а б в г "Uganda school attack: Dozens of pupils killed by militants linked to Islamic State group". BBC News. 2023-06-17. Праверана 2023-06-19.
  6. ↑ Ugandan border town buries victims of rebel massacre that left 42 dead, mostly students (англ.). AP NEWS (18 чэрвеня 2023).
  7. ↑ ISIS-linked rebel group attacks Ugandan school, killing dozens (англ.). CNN (17 чэрвеня 2023).
  8. ↑ ADF attack Kasese, over 25 civilians confirmed dead (англ.). New Vision.
  9. ↑ Uganda school attack: What we know so far (англ.). www.aljazeera.com.
Узята з "https://be.wikipedia.org/w/index.php?title=Напад_на_школу_ў_Мпондвэ_(2023)&oldid=4519681"