Наталка Харытанюк

Наталка Харытанюк
Асабістыя звесткі
Дата нараджэння	24 жніўня 1984(1984-08-24) (41 год)
Месца нараджэння	Брэст, Брэсцкая вобласць, Беларуская ССР, СССР
Альма-матар	Факультэт замежных моў БрДУ імя А. С. Пушкіна (2006) філалагічны факультэт БДУ
Месца працы	факультэт міжнародных адносін БДУ
Прафесійная дзейнасць
Род дзейнасці	пісьменніца
Грамадская дзейнасць
Член у	Беларускі ПЭН
Прэміі	Дэбют

Ната́лка Харытаню́к (сапраўднае імя Ната́лля Мікала́еўна Харытаню́к; нар. 24 жніўня 1984, Брэст) — беларуская пісьменніца і перакладчыца.

Біяграфія

Нарадзілася 24 жніўня 1984 года ў Брэсце. Скончыла факультэт замежных моў Брэсцкага дзяржаўнага ўніверсітэта ў 2006 годзе. У 2007 годзе на філалагічным факультэце БДУ абараніла магістарскую дысертацыю па творчасці Джуліяна Барнза. Выкладала англійскую мову на факультэце міжнародных адносін БДУ.

Была членам Беларускага ПЭН-цэнтра. У 2019 годзе выйшла з арганізацыі.

Творчасць

Дэбютавала апавяданнем «Фурманка святога Міколы» ў 2005 годзе ў газеце «Наша Ніва». Друкавалася ў часопісах «Дзеяслоў», «ARCHE» і «Паміж», а таксама ў літаратурных зборніках «Жанчыны выходзяць з-пад кантролю», «Пакахай мяне, калі ласка» і «In vino veritas».

Бібліяграфія

• «Трынаццаць гісторый пра мёртвага ката» (Логвінаў, 2010) — кніга апавяданняў.
• «Смерць лесбіянкі» (Логвінаў, 2013) — раман.
• «Казкі старога Адамкова» (Логвінаў, 2018) — дзіцячая кніга.
• «Казка пра тое, як Святога Міколу забаранялі» (Kolegium Europy Wschodniej, 2021) — дзіцячая кніга.

Узнагароды

• 2010 — Лаўрэатка прэміі «Дэбют» за кнігу апавяданняў «Трынаццаць гісторый пра мёртвага ката».
• 2013 — Лонг-ліст Прэміі Ежы Гедройца за раман «Смерць лесбіянкі».

Сям'я

Выхоўвае сына Багдана (нар. у 2012 годзе).