Нацыянальны музей Зямля і людзі

Нацыянальны музей «Зямля і людзі»
Национален музей «Земята и хората»
Будынак музея
Заснаваны	1985
Месцазнаходжанне	Балгарыя, Сафія
Праезд	горад Сафія, бульвар «Черни връх» д. 4
Дырэктар	Чаўдар Начэў
Адкрыты	З 10 да 18 гадзін
earthandman.org/l… (англ.) earthandman.org/l… (балг.)
Медыяфайлы на Вікісховішчы

Нацыянальны музей «Зямля і людзі» — (балг.: Национален музей «Земята и хората») мінералагічны музей у цэнтры Сафіі, Балгарыя.

Гісторыя

Нацыянальны музей «Зямля і людзі» адзін з буйнейшых мінералагічных музеяў у свеце. Ён быў заснаваны 30 снежня 1985 года, адкрыты для наведвальнікаў 19 чэрвеня 1987 года. Музей знаходзіцца ў рэканструяваным гістарычным будынку плошчай 4000 м², пабудаваным у канцы 19-га стагоддзя (1896—1898). Ён мае шэраг выставачных залаў, складскіх памяшканняў, лабараторый, відэа-зал і канферэнц-зал.

Болшасць экспанатаў музея былі сабраны за кошт ахвяраванняў як кампаній, так і прыватных асоб у фонд «13 стагоддзяў Балгарыі».

Экспазіцыя

Асноўная экспазіцыя ахоплівае 40% усіх вядомых у прыродзе мінералаў, а таксама кераміку.

Калекцыя музея налічвае больш за 27 тысяч экспанатаў, размешчаных на двух паверхах музея. Тут сабраныя мінералы, прывезеныя са 109 краін света, яна ўключае ў сябе 1523 віда мінералаў з каля 4200, вядомых на бягучы момант.

Экспанаты музея падзелены на сем экспазіцый. На першым паверсе размешчана выстава «Гігантскія крышталі», частка з іх памерамі з чалавека. З мінералаў тут размешчаны разнавіднасці апатыта, кварца, флюарыта. У зале «Мінералы Зямлі» размешчаны рэдкія віды мінералаў.

Цэлы зал адведзены пад калекцыю балгарскага спелеолага Петра Транцеева (1924-1979), які збіраў яе на працягу 45 гадоў. Тут таксама выстаўлены пячорны жэмчуг карставых пячор.

Экспазіцыя другога паверха распавядае аб мінералах, якія сустракаюццца ў Балгарыі. Гэта апатыт, тытаніт, антаз, брукіт, малахіт, арфеіт, самародная медзь і інш.

Акрамя пастаяннай экспазіцыі, якая ахоплівае вялікую разнастайнасць карысных выкапняў, у музеі адбываюцца выставы, канцэрты камернай музыкі.

У межах штогадовай праграмы ў музеі адбываюцца выставы сабак і кошак, фотаконкурсы, выставы спелеалагічных калекцый.

У музеі ёсць навуковая бібліятэка, навуковыя лабараторыі, залы для правядзення канферэнцый.

Галерэя

• 
  Пано ў левай частцы музея
• 
  Галоўны зал музея
• 
  Пано ў правай частцы музея
• 
  Кварц, турмалін
• 
  Аметыст
• 
  Скамянелае дрэва
• 
  Ружовы кварц
• 
  «Качаня»
• 
  Спіс прыватных асоб, якія перадалі музею экспанаты
• 
  Нацыянальны фонд «13 стагоддзяў Балгарыі»

Літаратура

• Ганчев Хр. «Адаптация на голямата работилница от комплекса на бившия Софийски военен арсенал за нужите на Национален музей «Земята и хората»» Аглядная інфармацыя на НІПК, стар. 41-44 ЦПІП-КК, Сафія 1988.
• Ганчев Хр. Националният музей «Земята и хората» в София и подходът към традиционните сгради от началото на 20-ти век, Сп. «Нюзлетър», № 3,90, стр. 49-52, НК за ЮНЕСКО във ФРГ, Бон 1990. Gantchev Ch. «The Sofia National Museum «Man and Earth» and the Approach to Earli 20th Century Traditional Buildings»/ , Newsletteer. N3'90, Deutsche UNESCO Komission, p/ 49-52.

Спасылкі

• Афіцыйны сайт Архівавана 29 лістапада 2016. (на англійскай і балгарскай мовах)