Начніца вусатая

З пляцоўкі Вікіпедыя
Jump to navigation Jump to search
Начніца вусатая
Myotis mystacinus from Carinthia1.jpg
Навуковая класіфікацыя
Міжнародная навуковая назва

Myotis mystacinus

Арэал

выява

Commons-logo.svg
Выявы
на Вікісховішчы
ITIS  632036
NCBI  109479
EOL  327604

Начніца вусатая (Myotis mystacinus) — млекакормячая жывёла сямейства гладканосых лятучых мышэй.

Апісанне[правіць | правіць зыходнік]

Даўжыня цела 37—47, перадплечча 33—38, хваста 37—45 мм. Поўсць доўгая, густая, на спіне ад палева-рыжай да карычнева-бурай а шаўкавістым бляскам, на брушку шэра-белая. Вушы доўгія, вострыя.

Пашырэнне[правіць | правіць зыходнік]

Пашырана ў Еўразіі. На Беларусі трапляецца ва ўсіх абласцях. У летніх сховішчах (дуплы драў, за аканіцамі і за налічнікамі вокнаў, пад ашалёўкай драўляных будынкаў, карой дрэў і інш.) з сакавіка — пачатку красавіка.

Асаблівасці біялогіі[правіць | правіць зыходнік]

Корміцца вяснянкамі, дробнымі жукамі, двухкрылымі, лускакрылымі і іншымі насякомымі ўсю ноч па палянах і ўзлесках, уздоўж лясных дарог і прасек, у садах і парках, над вадаёмамі і ў кронах дрэў.

Палёт хуткі а рэзкімі паваротамі. Жыве групамі (3—9 асобін) або калоніямі (некалькі дзясяткаў асобін), часта разам з нетапыром-карлікам. Самцы і нецяжарныя самкі трымаюцца паасобку. Нараджае адно дзіцяня ў 2-й пал. чэрвеня. Найбліжэйшыя да Беларусі месцы зімоўкі — Латвія, Эстонія.

Літаратура[правіць | правіць зыходнік]

  • Курскоў А. Начніца вусатая // Энцыклапедыя прыроды Беларусі. У 5 т. Т. 3. — Мн.: БелСЭ, 1984.