Озы

Озы — формы рэльефа, якія ўяўляюць сабой доўгія, вузкія, вышынёй да некалькіх дзесяткаў метраў грады водна-ледавіковага паходжання. Складзены гравійна-галечным і пясчаным матэрыялам. Могуць змяшчаць валуны. Нахіл склонаў 30-45^о. Фарміруючым чыннікам озаў з'яўляюцца адлажэнні патокаў талых водаў, якія працякалі па ўтвораных у масе ледавіка тунэлях.

У Беларусі сустракаюцца ў паўночнай частцы краіны.

Літаратура

• Геаграфічныя паняцці i тэрміны: Энцыклапед. слоўнік. — Мн., 1999.
• Геаграфія ў тэрмінахі паняццях: Энцыклапедычны даведнік / Беларус. Энцыкл.; Рэдкал.: Г. П. Пашкоў і інш. — Мн.: БелЭн, 2003. — 352 с.: іл. ISBN 985-11-0262-8.

• На Вікісховішчы ёсць медыяфайлы па тэме Озы