Палац Тыберыя
Палац Тыберыя (лац.: Domus Tiberiana) — палац на Палаціне, пабудаваны імператарам Тыберыем.
Палац размяшчаўся паміж храмам Вялікай Маці і Рымскім форумам. Першапачаткова палац уяўляў сабою сціплы будынак, які аб’ядноўваў некалькі дамоў рэспубліканскага перыяду. Пры Калігуле будынак быў пашыраны.
У 80 годзе пры пажары домус быў разбураны, пры наступных пабудовах Даміцыяна (палац Флавіяў і палац Аўгустаў) выкарыстоўваліся толькі часткі згарэлага палаца Тыберыя, першым чынам сцены.
У XVI стагоддзі на месцы развалін былі разбіты Фарнезскія сады, якія сёння замінаюць раскопкам палаца.