Палеская легенда (фільм)

Палеская легенда
Рэжысёр	Пятро Савельевіч Васілеўскі Мікалай Мікалаевіч Фігуроўскі
Сцэнарыст	Aleksandr Vitenzon[d]
Аператар	У. Л. Акуліч
Кампазітар	Ісак Ісакавіч Любан
Краіна	БССР
Год	1957
IMDb	ID 0189016

«Палеская легенда» — фільм, зняты на кінастудыі «Беларусьфільм» па матывах апавядання У. Караленкі «Лес шуміць» (1885). Прэм'ера фільму адбылася 5 чэрвеня 1957 года.

Сюжэт

Фільм пачынаецца з таго, як прыгонны ляснік Раман прыводзіць да пана Міхася, які забіў у панскім лесе лісу. Тым часам у маёнтку гулянне. Госці слухаюць спевы Апанаса, вольнага селяніна. За прыгожыя спевы пан абяцае выканаць любое жаданне хлопца. Апанас просіць даць вольную яго нявесце Аксане. Але пан адпраўляе спевака да другога пана, гвалтуе Аксану, а потым вырашае аддаць яе ў жонкі лясніку Раману.

Афармленне

Мастакамі карціны былі Уладзімір Белавусаў (першая самастойная праца ў кіно) і Армэн Грыгар'янц.

Акцёры

• Аксана — Ала Ларыонава
• Раман — Іван Пераверзеў
• Апанас — Леанід Кадраў
• Пан Іван — Леанід Рахленка
• Багдан — Уладзімір Уладамірскі
• Пан Антоній — Глеб Глебаў
• Міхась — Віктар Кулакоў
• Васілёк — Віця Лазараў

У эпізодах таксама здымаліся Уладзімір Дзядзюшка, Марыя Зінкевіч, Кузьма Кулакоў, Аляксандр Кістаў, Яўген Карнавухаў, Аляксандра Клімава, Уладзімір Кудрэвіч, Вітаўтас Канцлерыс і іншыя.