Паплавок шэры

З пляцоўкі Вікіпедыя
Паплавок шэры
AmanitaVaginata.jpg
Навуковая класіфікацыя
Міжнародная навуковая назва

Amanita vaginata (Bull.) Lam., 1783

Сінонімы
  • Agaricus vaginatus Bull.
  • Amanitopsis vaginata (Bull.) Roze
  • Vaginata livida Gray
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
NCBI  67736
MB  114685

Таўкачык[1], паплавок шэры (Amanita vaginata) — базідыяльны шапкавы грыб роду Мухамор (Amanita) сямейства Мухаморавыя (Amanitaceae).

Народныя назвы[правіць | правіць зыходнік]

Вужовік шэры, таўкачык, грыб воўчы, грыб сабачы, грыб вужачы, грыб жабечы, грыб мышыны, вужоўка[2].

Батанічнае апісанне[правіць | правіць зыходнік]

Батанічная ілюстрацыя з кнігі Яна Копса «Flora Batava», 1800—1934

Пладовае цела грыба — шапка на ножцы. Дыяметр шапкі складае 3—8[1] см. Шапка грыба гладкая, шэрая або шаравата-бураватая, часам з белымі шматкамі, спачатку шыроказваночкавай формы, затым становіцца амаль пляскатай з невялікім бугарком. Край шапкі прамы, рубчасты. Мякаць тонкая, мяккая, белая, без асаблівага паху, прыемная на смак. Пласцінкі свабодныя, частыя, шырокія, белага колеру. Ножка грыба 6—12[1] см у даўжыню і 1—2[1] см у дыяметры, булавападобнай формы, полая, белага колеру, гладкая. Каля асновы ножкі маецца шырокая, свабодная, белаватая похва падобнай на мяшок формы. Споры круглыя, гладкія, бясколерныя.

Распаўсюджанне і экалогія[правіць | правіць зыходнік]

Грыб сустракаецца пераважна ў хваёвых лясах[1] амаль паўсюдна. Пладовыя целы з’яўляюцца паасобку або групамі ў ліпеніверасні.

Малавядомы ядомы грыб.

Зноскі

  1. а б в г д Сержанина Г. И., Змитрович И. И. Макромицеты. Иллюстрированное пособие для биологов (руск.)  / Под ред. Н. А. Дорожкина. — Мн.: Вышэйшая школа, 1978. — С. 106. — 192 с. — 60 000 экз.
  2. Грыбы і грыбная кулінарыя : папулярны энцыклапедычны даведнік / Галіна Сяржаніна, Іван Яшкін. — Мінск : Беларуская асацыяцыя кулінараў, 2005. — 387с., [24] л. каляр. iл. ; 24 см. — На вокладцы аўтары не паказаны. — Бібліяграфія: с. 343—350. — Алфавітныя паказчыкі: с. 351—385. — 1000 экз. — ISBN 985-6081-34-3.

Літаратура[правіць | правіць зыходнік]