Паулус Марэлсэ

Паулус Марэлсэ
Дата нараджэння	1571[…]
Месца нараджэння	Утрэхт, правінцыя Утрэхт, Нідэрланды, Каралеўства Нідэрландаў
Дата смерці	6 сакавіка 1638(1638-03-06)[…] ці 15 сакавіка 1638(1638-03-15)
Месца смерці	Утрэхт, правінцыя Утрэхт, Нідэрланды, Каралеўства Нідэрландаў
Грамадзянства	Рэспубліка Злучаных правінцый
Дзеці	Hendrick Moreelse[d] і Johannes Moreelse[d]
Род дзейнасці	архітэктар, рысавальнік, мастак, ксілограф, мастак-мініяцюрыст, горадабудаўнік
Жанр	партрэтны жывапіс[d], алегорыя, жанравы жывапіс, гістарычны жывапіс і партрэт
Уплыў	Міхіл Янс ван Мірэвелт
Уплыў на	Дзірк ван Бабюрэн, Johannes Moreelse[d] і Jan ter Borch[d]
Медыяфайлы на Вікісховішчы

Паулус Янс Марэлсэ (нідэрл.: Paulus Janszoon Moreelse; 1571, Утрэхт — 6 сакавіка 1638, Утрэхт) — нідэрландскі мастак эпохі барока.

Жыццё і творчасць

П. Марэлсэ вучыўся жывапісу ў майстэрні мастака Міхіла ван Мірэвелта. У 1596 годзе здзейсніў падарожжа ў Італію, па вяртанні з якога ў 1602 годзе займаецца пераважна партрэтным жывапісам — Марэлсэ піша партрэты прадстаўнікоў арыстакратычных і заможных гандлёвых сем’яў Нідэрландаў, а таксама сваіх калег-мастакоў. Удзельнічаў у арганізацыі гільдыі Св. Лукі (мастакоў) ва Утрэхце і быў яе першым старшынёй. Пасля 1620 г. стварае ў асноўным гістарычныя палотны, а таксама карціны на рэлігійныя і міфалагічныя тэмы. Акрамя жывапісу, займаўся таксама архітэктурай (спраектаваў Кацярынінскую браму ва Утрэхце) і палітыкай (быў членам Гарадской рады). Адзін з заснавальнікаў Утрэхцкага ўніверсітэта. Працы П. Марэлсэ ўжо ў гады яго творчасці карысталіся вялікім попытам сярод калекцыянераў.

Сын мастака, Ёхан Марэлсэ, таксама быў вядомым мастаком.