Паўночна-Дуброўскае падняцце
Паўночна-Дуброўскае падняцце — тэктанічная структура ў Лельчыцкім раёне, у заходняй частцы Ельскага грабена Прыпяцкага прагіну. Выяўлена сейсмаразведкай у падсалявых і міжсалявых дэвонскіх адкладах. Назва ад в. Дуброва ў Лельчыцкім раёне.
Мае форму трохвугольнага блока субшыротнага распасцірання памерам 13×4 км з паўднёвым падзеннем слаёў. На поўначы, поўдні і захадзе блок абмежаваны малаамплітуднымі (100—300 м) скідамі. Найбольш высокая паўночная частка блока прыўзнята адносна сумежнага блока на поўначы і апушчана адносна блока, які прымыкае з захаду. Сфарміравалася падняцце ў познафранскі і фаменскі час (позні дэвон) у выніку блокавых пасоўванняў.
Літаратура[правіць | правіць зыходнік]
- Паўночна-Дуброўскае падняцце // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.