Пя́тніца 13 — трынаццатае чысло месяца, якое прыпадае на пятніцу, у многіх культурах лічыцца «нешчаслівым днём», «днём непрыемнасцяў» і з'яўляецца адным з самых распаўсюджаных забабонаў. Боязь пятніцы трынаццатага называецца ў медыцыне параскавідэкатрыафобіяй, а боязь трынаццатага чысла — трыскаідэкафобіяй.[1]
У суме кожны грыгарыянскі 400-гадовы цыкл мае 146 097 дзён (365 × 400 = 146 000 і 97 дадатковых дзён у лютым). Гэты цыкл мае 20 871 тыдзень і 4800 месяцаў. Кожны 400-гадовы цыкл мае тое ж размеркаванне пятніц, якія выпадаюць на 13 чысло месяца. 13-е чысло мае крыху большую верагоднасць выпасці на пятніцу, чым на іншыя дні тыдня. У сярэднім, пятніца 13-га здараецца кожныя 212,35 дзён (212 + 241/688)[2].
