Пётр Адамавіч Гуд

Пётр Адамавіч Гуд
Дата нараджэння	8 студзеня 1945(1945-01-08) (79 гадоў)
Месца нараджэння	Мінск, Мінская вобласць, БССР, СССР
Жонка	Ніна Іванаўна Гуд
Род дзейнасці	этнограф, фалькларыст, рэжысёр, сцэнарыст
Месца працы	Беларускі дзяржаўны ўніверсітэт культуры і мастацтваў
Навуковая ступень	кандыдат гістарычных навук
Навуковае званне	прафесар
Альма-матар	Харкаўская дзяржаўная акадэмія культуры (1973)

Пётр Адамавіч Гуд (нар. 8 студзеня 1945, Мінск) — беларускі этнограф, фалькларыст, рэжысёр, сцэнарыст. Кандыдат гістарычных навук (1987). прафесар (2000).

Біяграфія

Скончыў у 1973 годзе Харкаўскі інстытут культуры. З 1977 года ў Беларускім універсітэце культуры і мастацтваў, з 1993 года загадчык кафедры.

Навуковая дзейнасць

Стваральнік навукова-педагічнай школы ў галіне свят, спецыялізацыі «рэжысура народнага свята». Даследуе народную абрадавую творчасць, вытокі свят беларусаў, перспектыўныя кірункі развіцця іх у сучасным культуралагічным кантэксце. Аўтар манаграфій «Мастацтва феерверкаў» (2007), «Тэхналогія стварэння свята» (2-е выд. 2008). Сабраў, даследаваў і выдаў першы збор кірмашовых песень у манаграфіі «Беларускі кірмаш» (1996, з Н. І. Гуд). Распрацаваў шэраг абрадавых свят і фестываляў, у т.л. «Звіняць цымбалы і гармонік», «Аўцюкі». Сцэнарыі абрадавых свят апублікаваў у зборніках «Восеньскія святы» (1995), «Зімовыя святы» (1999), «Ад Каляд да Пакроваў», «Веснавыя святы» (абодва 2000), «Летнія святы» (2001), працах «Свята лесу» (2006), «Свята кветак» (2009) і інш.

Сям’я

У шлюбе з беларускай фалькларысткай Нінай Гуд (нар. 1955).

Літаратура

• Сінькевіч Т. А. Гуд Пётр Адамавіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.

Спасылкі

• Пётр Адамавіч Гуд на сайце анлайн-энцыклапедыі «Беларусь у асобах і падзеях»