Ніна Іванаўна Гуд

Ніна Іванаўна Гуд
Дата нараджэння	2 сакавіка 1955(1955-03-02) (69 гадоў)
Месца нараджэння	Марыупаль, Данецкая вобласць, УССР, СССР
Грамадзянства	Беларусь
Род дзейнасці	фалькларыстка, рэжысёр, сцэнарыст, педагог
Месца працы	Беларускі дзяржаўны ўніверсітэт культуры і мастацтваў
Альма-матар	Харкаўская дзяржаўная акадэмія культуры

Ніна Іванаўна Гуд (нар. 2 сакавіка 1955, г. Марыупаль, Данецкая вобласць, Украіна) — беларускі фалькларыстка, рэжысёр, сцэнарыстка, педагог.

Біяграфія

Скончыла ў 1977 годзе Харкаўскі інстытут культуры. З 1978 года выкладае ў Беларускім універсітэце культуры і мастацтваў.

Навуковая дзейнасць

Даследуе праблемы развіцця традыцыйнага і сучаснага беларускага фальклору (святы і абрады). Аўтар зборніка сцэнарыяў каляндарных свят «Мінскія Каляды» (1994), «Калядныя вячоркі» (2002) і «Шчодры вечар, багаты вечар» (2003), метадычных дапаможнікаў і рэкамендацый. Адна з арганізатараў рэспубліканскіх фестываляў беларускай народнай гульні (1992—2000).

Сям’я

У шлюбе з беларускім этнографам і фалькларыстам Пятром Гудам (нар. 1945).

Творы

• Роля фальклору ў летне-асенніх святах беларусаў // Актуальный праблемы і навуковыя пошукі ў галіне культуры і мастацтва: Тэз. дакл. на навукова-творч. канф. 19—20 крас. 1994 г. Мн., 1994;
• Беларускі кірмаш. Мн., 1996 (разам з П. А. Гудам).

Літаратура

• В. М. Навумчык. Гуд Ніна Іванаўна // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.

Спасылкі

• Ніна Іванаўна Гуд на сайце анлайн-энцыклапедыі «Беларусь у асобах і падзеях»