Пётр Мікалаевіч Назаранка

Пётр Мікалаевіч Назаранка
Дата нараджэння	9 красавіка 1957(1957-04-09) (67 гадоў)
Месца нараджэння	Мінск, БССР, СССР
Бацька	Мікалай Пятровіч Назаранка
Род дзейнасці	мастак
Месца працы	Мінскае мастацкае вучылішча імя А. К. Глебава
Вучоба	Беларускі дзяржаўны тэатральна-мастацкі інстытут (1982)
Член у	Беларускі саюз мастакоў

Пётр Мікалаевіч Наза́ранка (нар. 9 красавіка 1957, Мінск) — беларускі жывапісец.

Біяграфія

Сын мастака Мікалая Назаранкі, брат мастака Алега Назаранкі. Скончыў Беларускі тэатральна-мастацкі інстытут у 1982 годзе. З 1985 года выкладае ў Мінскім мастацкім вучылішчы.

Член Беларускага саюза мастакоў з 1990 года.

Творчасць

Працуе ў жанрах тэматычнай карціны, партрэта, пейзажа ў рэалістычнай манеры. Творы вызначаюцца складанасцю каларыту, тонкай мадэліроўкай форм, псіхалагічным пранікненнем у глыбіню вобраза: «На прасторах Міншчыны» (1981), «Дыялог» (1982), «Фантомы», «Золата захаду» (абодва 1984), «Поле бою, поле вечнага жыцця» (1985), «Лімонны сок» (1989), «Белы бэз», «Успаміны» (абодва 1990), «Зямля Скарыны» (1992), «Туман» (1993), «Вераніка», «Месяцовая ноч» (абодва 1994), «Маланка» (1998), серыя «Нясвіж» (1998—1999), «За каханне» (2000) і інш.

Літаратура

• Фатыхава Г. А. Назаранка Пётр Мікалаевіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).