Раман Іосіфавіч Шухевіч
| Раман Іосіфавіч Шухевіч | |
 |
|
| Дзейнасць: | змагар Супраціўлення, ваеннаслужачы |
|---|---|
| Нараджэнне: | 30 чэрвеня 1907[1] Львоў, Львоўскі павет[d], Каралеўства Галіцыі і Ладамерыі, Цыслейтанія, Аўстра-Венгрыя |
| Смерць: | 5 сакавіка 1950[1] (42 гады) Львоў, Львоўская вобласць, УССР, СССР |
| Узнагароды: | |
Рама́н Іо́сіфавіч Шухе́віч (30 чэрвеня 1907, Львоў, Аўстра-Венгрыя — 5 сакавіка 1950, Белагоршча, цяпер Львоў) — украінскі палітычны і дзяржаўны дзеяч.
Член галіцкага краявога провада Арганізацыі ўкраінскіх нацыяналістаў. Камандзір з боку ўкраінцаў украінскага ваеннага падраздзялення «Нахтыгаль» у складзе замежных легіёнаў Вермахту (1941—1942). У 1942 годзе каля дзевяці месяцаў служыў на тэрыторыі Беларусі (Віцебшчына), дзе змагаўся супраць партызан у складзе 201-га ахоўнага батальёна паліцыі, меў званне гаўптмана[2]. Генерал-харунжы, галоўнакамандуючы Украінскай паўстанцкай арміі, старшыня Сакратарыята Украінскай галоўнай вызваленчай рады (1943—1950). Забіты ў час перастрэлкі з групай супрацоўнікаў савецкіх спецслужб. Узнагароджаны званнем Герой Украіны пасмяротна ўказам прэзідэнта Украіны Віктара Юшчанкі ад 12 кастрычніка 2007 года. 21 красавіка 2010 года Данецкі апеляцыйны адміністратыўны суд прызнаў указ Юшчанкі незаконным і адмяніў яго. Рашэнне суда ўступіла ў сілу ў 2011 годзе[3].
Зноскі
- ↑ 1,0 1,1 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #119538695 // общий нормативный контроль — 2012—2016.
- ↑ http://krytyka.by/by/page/science/historya-navuka/12305
- ↑ http://www.bbc.com/russian/russia/2011/08/110802_bandera_shukhevich_court.shtml
|
|
