Раўнамерны рух
Раўнаме́рны рух — разнавіднасць механічнага руху, калі цела (матэрыяльны пункт) пераадольвае аднолькавыя адлегласці за аднолькавыя прамежкі часу.
Пры раўнамерным руху
- велічыня скорасці з’яўляецца пастаяннай велічынёй (яе напрамак можа змяняцца),
- тангенцыяльнае паскарэнне цела роўнае нулю (нармальнае паскарэнне можа адрознівацца ад нуля),
- шлях, пройдзены целам за некаторы адрэзак часу t, складае s = vt, дзе v — велічыня яго скорасці.
Такім чынам, раўнамерны рух можна вызначыць як рух з нязменнай (па велічыні) скорасцю.
Раўнамерны прамалінейны рух[правіць | правіць зыходнік]
Раўнамерны прамалінейны рух — такі рух, пры якім скорасць застаецца нязменнай не толькі па велічыні, але і па напрамку. Пры раўнамерным прамалінейным руху
- паскарэнне (як нармальнае, так і тангенцыяльнае) цела роўнае нулю,
- траекторыяй руху з’яўляецца прамая,
- перамяшчэнне цела роўнае пройдзенаму ім шляху.
Адпаведна законам Ньютана, цела рухаецца раўнамерна і прамалінейна тады, калі на яго не дзейнічаюць ніякія знешнія сілы, або дзеянне гэтых сіл з’яўляецца ўзаемна скампенсаваным (раўнадзейная сіла роўная нулю).
Раўнамерны рух па акружнасці[правіць | правіць зыходнік]
Пры раўнамерным руху па акружнасці цела рухаецца з пастаяннай вуглавой скорасцю адносна восі вярчэння. Пры гэтым велічыня нармальнага паскарэння цела не змяняецца з часам і складае
У выпадку раўнамернага вярчэння цела вакол некаторай восі кожны яго пункт выконвае раўнамернае вярчэнне па акружнасці.
Спасылкі[правіць | правіць зыходнік]
- Равномерное движение — артыкул з Фізічнай энцыклапедыі