Рэкс Стаўт

Рэкс Стаўт
англ.: Rex Todhunter Stout
Асабістыя звесткі
Дата нараджэння	1 снежня 1886(1886-12-01)[…] ці 1886
Месца нараджэння	Ноблсвіл[d], Hamilton County[d], Індыяна, ЗША
Дата смерці	27 кастрычніка 1975(1975-10-27)[…]
Месца смерці	Данберы, Western Connecticut Planning Region[d], Канектыкут, ЗША
Грамадзянства	ЗША
Жонка	Pola Stout[d] і Fay Kennedy[d]
Альма-матар	Канзаскі ўніверсітэт Topeka High School[d]
Прафесійная дзейнасць
Род дзейнасці	пісьменнік, раманіст, сцэнарыст, радыёвядучы, пісьменнік навуковай фантастыкі, навэліст, аўтар дэтэктываў, гумарыст
Жанр	дэтэктыў
Мова твораў	англійская
Узнагароды	прэмія Эдгара Алана По (1959)
nerowolfe.org (англ.)
Медыяфайлы на Вікісховішчы

Рэкс Стаўт (англ.: Rex Stout; 1 снежня 1886 — 1975) — амерыканскі пісьменнік, аўтар дэтэктыўных раманаў, стваральнік цыклу раманаў пра Нэра Вулфа.

Біяграфія

Нарадзіўся ў горадзе Ноўблсвіл (штат Індыяна) у сям'і квакераў. Быў шостым з дзевяці дзяцей у сям'і. Хутка пасля яго нараджэння яго бацькі Джон Уолес Стаўт і Люсета Элізабэт Тодхантэр Стаўт пераехалі ў Канзас. Там будучы пісьменнік пайшоў у школу. У чатыры гады ён цалкам прачытаў Біблію, у трынаццаць зрабіўся чэмпіёнам штата па правапісе і арыфметыцы, а пасля распрацаваў унікальную праграму накаплення банкаўскіх зберажэнняў для школьнікаў, якую ўвялі ў 400 гарадах. Гэтая ідэя прынесла Стаўту 400 тысяч долараў. Пасля заканчэння школы Стаўт паступіў ва ўніверсітэт Канзаса, але хутка яго кінуў і пайшоў у ваенны флот.

У 1913 годзе Стаўт выпусціў свой першы раман «Яе забаронены рыцар» (Her Forbidden Knight), дэтэктыў. У 1914 годзе выдаў прыгодніцкі раман «Пад Андамі» (Under the Andes), у 1915 — яго працяг «Узнагарода для прынцаў» (A Prize for Princes), пасля чаго Стаўт 10 гадоў нічога не пісаў.

У 1916 годзе Стаўт ажаніўся з Фэй Кенэдзі, з якой разышоўся ў 1933 годзе і адразу ажаніўся з Полай Хофман. Яна нарадзіла яму дзвюх дачок. За гэты час Стаўт паспеў папрацаваць стайнікам, гідам-спецыялістам па індзейцах пуэбла ў Санта-Фэ, прадаўцом у кнігарні, менеджарам у гатэлі і гандляром цыгарамі ў Кліўлендзе.

У 1927 годзе Стаўт пераехаў у Парыж, дзе зноў заняўся літаратурай. У 1929 годзе ён выдаў псіхалагічны раман «Як Бог» (How Like a God), потым яшчэ тры творы ў гэтым жанры. Крытыкі пісалі пра раманы прыхільна, але сярод чытачоў яны папулярнасці не мелі. У 1930-х Стаўт вярнуўся ў ЗША. У 1934 годзе выйшаў яго першы раман пра Нэра Вулфа і яго памочніка Арчы Гудвіна (ад імя якога вядзецца аповед) «Fer-de-Lance». Усяго Стаўт напісаў пра гэтых герояў 32 раманы і 40 аповесцяў.

Кнігі Рэкса Стаўта перакладзеныя на 35 моў і выдадзеныя агульным накладам 70 млн асобнікаў. У дэтэктыўных раманах Стаўта адлюстраваныя норавы амерыканскага грамадства з 30-х да 70-х гадоў ХХ ст. і закранутыя грамадскія праблемы, такія як дыскрымінацыя, татальнае ўмяшанне ФБР у жыццё простых людзей. Нэра Вулф — адзін з самых знакамітых літаратурных дэтэктываў. Раман «Дзе Цэзар крывёю сцякаў» (Some Buried Caesar) увайшоў у спіс ста найлепшых дэтэктыўных раманаў ХХ стагоддзя паводле версіі Незалежнай асацыяцыі гандляроў дэтэктыўнай літаратуры.

Спасылкі

• Ўотсан быў жанчынай?
• Крылаты рэвальвер