Святаслаў Ольгавіч

З пляцоўкі Вікіпедыя
Jump to navigation Jump to search
Святаслаў Ольгавіч
Святаслаў Ольгавіч
Князь наўгародскі
1136 — 1138
Папярэднік: Усевалад Мсціславіч
Пераемнік: Святаполк Мсціславіч
1140 — 1141
Папярэднік: Расціслаў Юр'евіч
Пераемнік: Святаслаў Усеваладавіч
Князь ноўгарад-северскі
1146 — 1157
Папярэднік: Ігар Ольгавіч
Пераемнік: Святаслаў Усеваладавіч
Князь чарнігаўскі
1157 — 1164
Папярэднік: Ізяслаў Давыдавіч
Пераемнік: Святаслаў Усеваладавіч
 
Веравызнанне: Праваслаўе
Нараджэнне: 1106
Смерць: 1164(1164)
Род: Рурыкавічы, Ольгавічы
Бацька: Алег Святаславіч
Маці: Феафанія Музалон
Дзеці: Алег, дачка, дачка, Марыя, Ігар, Усевалад

Святаслаў Ольгавіч (у хрышчэнні Мікалай; ? — 15 лютага 1164) — князь чарнігаўскі.

Сын Алега Святаславіча. У 1136 запрошаны ў Ноўгарад, дзе княжыў з перапынкамі да 1141. У 1142 меў нейкую воласць «около Гомья» (Гомеля). У 1146 яму належалі Курск, Ноўгарад-Северскі, Карачаў, Колцеск, Дзедаслаў, але ў тым жа годзе ён выгнаны з Чарнігаўскай і Северскай зямель. У 1147 увайшоў у саюз з Юрыем Далгарукім, з дапамогай яго войск заняў зямлю вяцічаў, пасля вярнуў свае ўладанні. Калі Юрый Далгарукі заняў Кіеў (1149), Святаслаў Ольгавіч атрымаў ад яго «и Случеск, и Клеческ, и вси Дрегвиче» (Слуцк і Клецк з навакольнымі землямі), а каля 1155 — Мазыр. Паводле дагавора 1157 з вялікім кіеўскім князем Ізяславам Давыдавічам атрымаў Чарнігаўскую зямлю, а г. Ноўгарад-Северскі перадаў пляменніку Святаславу Усеваладавічу. Некаторы час у яго землях знаходзіўся пазбаўлены ўладанняў полацкі князь Рагвалод Барысавіч, якому Святаслаў Ольгавіч у 1158 дапамог войскамі вярнуць свае землі.

Зноскі

Літаратура[правіць | правіць зыходнік]

  • Пазднякоў В. Святаслаў Ольгавіч // БЭ ў 18 т. Т. 14. Мн., 2002.