Свята-Ільінская царква (Орша)

Праваслаўны храм
Царква Святога прарока Іллі
Царква ў 2009
54°30′09,64″ пн. ш. 30°25′04,74″ у. д.
Краіна	Беларусь
Горад	Орша
Канфесія	Беларуская праваслаўная царква
Епархія	Віцебская
Архітэктурны стыль	псеўдарускі стыль
Дата пабудовы	1880 год
Статус	Гісторыка-культурная каштоўнасць Беларусі, шыфр 213Г000110
Медыяфайлы на Вікісховішчы

Царква Святога прарока Іллі — помнік архітэктуры псеўдарускага стылю ў Оршы па вуліцы Ільінская, 1.

Гісторыя

Ільінская царква ў 1912

Пабудавана ў 1880 годзе на месцы згарэлай царквы 1460 года на левым беразе Дняпра. У 1996 цалкам адрамантавана. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэгіянальнага значэння.

Архітэктура

Храм уяўляе сабой крыжова-купальную кампазіцыю з пяціграннай апсідай і шатровай званіцай над тамбурам. Фасады будынка насычаны дэкаратыўнымі элементамі: разнастайнымі філёнгамі, раскрапоўкамі, карнізамі і кілепадобнымі арачкамі — какошнікамі.

Інтэр’ер царквы мае сіметрычную выцягнутую па падоўжнай восі будову, якая ўключае тамбур, асноўны аб’ём і апсіду. Цэнтральная частка асноўнага аб’ёму завершана купалам. Тэрыторыя царквы абнесена мураванай агароджай, вуглы якой умацаваны контрфорсамі і аздоблены дэкаратыўнымі вежачкамі. Манументальная брама знаходзіцца з боку 2-й Лагернай вуліцы.

Літаратура

• А. М. Кулагін. 136. Ільінская царква // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — С. 91. — 496 с., іл.
• Живописная Россия. Т. 3. — СПб., М., 1882.

Спасылкі

• На Вікісховішчы ёсць медыяфайлы па тэме Свята-Ільінская царква (Орша)
• Свята-Ільінская царква (Орша) на сайце Radzima.org
• Свята-Ільінская царква (Орша) на сайце Глобус Беларусі (руск.)
• Свята-Ільінская царква (Орша) на сайце Праваслаўная архітэктура Беларусі (бел.)
• Свята-Ільінская царква (Орша) на сайце «Архіварта»