Свята-Георгіеўская царква (Яглевічы)

Праваслаўны храм
Свята-Юр'еўская царква
52°41′50,42″ пн. ш. 25°22′54,91″ у. д.
Краіна	Беларусь
Вёска	Яглевічы
Канфесія	Беларуская праваслаўная царква
Епархія	Пінская і Лунінецкая епархія
Архітэктурны стыль	беларускае народнае дойлідства
Дата пабудовы	1760 год
Медыяфайлы на Вікісховішчы

Свята-Георгіеўская царква — праваслаўны храм у в. Яглевічы (Івацэвіцкі раён). Знаходзіцца ў цэнтры вёскі.

Гісторыя

Пабудаваная ў 1760 годзе. У 1986 годзе царква згарэла, была помнікам рэспубліканскага значэння.

Архітэктура

Трохзрубная пабудова. Да квадратнага ў плане асноўнага аб’ёма прылягаюць з усходу пяцігранная апсіда, з захаду — бабінец. Асноўны аб’ём накрыты стромкім двухсхільным гонтавым дахам, да якога прымыкае шатровае пакрыццё апсіды, завершанай шасцігранным барабанам з галоўкай. Сцены зрубаў ашаляваныя гарызантальна, верхняя і ніжняя часткі дэкарыраваныя паясамі вертыкальнай шалёўкі. Вокны вялікія, прамавугольныя. Галоўны фасад утварае прысадзістая званіца, падзеленая карнізам на два ярусы і завершаная двухсхільным пакрыццём. У інтэр'еры цэнтральны аб’ём звязаны з алтарным зрубам і бабінцам вялікім праёмамі. Хоры — на другім ярусе бабінца.

Літаратура

• «Архітэктура Беларусі. Энцыклапедычны даведнік», Мінск 1993

Спасылкі

• На Вікісховішчы ёсць медыяфайлы па тэме Свята-Георгіеўская царква (Яглевічы)
• Свята-Георгіеўская царква (Яглевічы) на сайце Radzima.org
• Свята-Георгіеўская царква (Яглевічы) на сайце Глобус Беларусі (руск.)