Свята-Крыжаўзвіжанская царква (Святая Воля)

Свята-Крыжаўзвіжанская царква
	Праваслаўны храм
Свята-Крыжаўзвіжанская царква
	52°32′02″ пн. ш. 25°41′18″ у. д.HGЯO
Краіна	Беларусь
Аграгарадок	Святая Воля
Канфесія	Праваслаўе
Епархія	Пінская і Лунінецкая епархія
Будаўніцтва	1991—1994 гады
Стан	дзейнічае
	Медыяфайлы на Вікісховішчы

Свята-Крыжаўзвіжанская царква — мураваны праваслаўны храм у аграгарадку Святая Воля Івацэвіцкага раёна Брэсцкай вобласці. Знаходзіцца ў цэнтры паселішча.

Гісторыя[правіць | правіць зыходнік]

Першы храм быў пабудаваны ў 1727 годзе на сродкі князёў Іосіфа і Міхаіла Агінскіх. У пачатку XX стагоддзя храм згарэў ад удару маланкі. У 1928 годзе была заснавана часовая царква.

У 1991 годзе побач са старым храмам быў закладзены новы аднайменны храм, а ў 1994 годзе быў асвячоны архіепіскапам Стэфанам. Стары храм у 1994 годзе быў разабраны. У 1997 годзе каля храма была пабудавана нядзельная школа, а ў 2000 годзе званіца^[1].

Архітэктура[правіць | правіць зыходнік]

Пабудавана з цэглы паводле праекта архітэктара Л. В. Макарэвіча

Архітэктура храма вырашана ў стылізаваных формах уладзіміра-суздальскага царкоўнага дойлідства. Цэнтрычны аб’ём завершаны сферычным купалам, над якім узведзены цыліндрычны светлавы барабан пад цыбулепадобным купалам. Бакавыя фасады расчлянёны на 3 арачныя праслы з высока ўзнятымі арачнымі праёмамі. Алтарны фасад вырашаны 3 паўкруглымі апсідамі з конхавымі пакрыццямі. З боку храма адасоблена пастаўлена 3-ярусная (васбмярык на 2 чацьверыках) званіца, завершаная макаўкай. Насычаная архітэктурная пластыка заснавана на формах старажытнарускага царкоўнага дойлідства^[2].

Галерэя[правіць | правіць зыходнік]

Званіца
Помнік на месцы былой царквы
Нямецкія могілкі часоў Першай сусветнай вайны

Зноскі

↑ 22. Приход храма Воздвижения Креста Господня д. Святая Воля Ивацевичского района (нявызн.)(недаступная спасылка). Архівавана з першакрыніцы 21 студзеня 2021. Праверана 9 снежня 2019.
↑ Крыжаўзвіжанская царква

Літаратура[правіць | правіць зыходнік]

Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі[правіць | правіць зыходнік]

Свята-Крыжаўзвіжанская царква (Святая Воля) на сайце Глобус Беларусі (руск.)

[1] 22. Приход храма Воздвижения Креста Господня д. Святая Воля Ивацевичского района (нявызн.)(недаступная спасылка). Архівавана з першакрыніцы 21 студзеня 2021. Праверана 9 снежня 2019.

[2] Крыжаўзвіжанская царква

[1]

[2]