Свята-Мікалаеўская царква (Данілавічы)

Праваслаўны храм
Свята-Мікалаеўская царква
52°38′08,25″ пн. ш. 30°57′54,41″ у. д.
Краіна	Беларусь
Аграгарадок	Данілавічы
Канфесія	Беларуская праваслаўная царква
Епархія	Гомельская і Жлобінская
Архітэктурны стыль	Псеўдарускі
Дата заснавання	1926
Дата скасавання	19.03.2006
Стан	Страчана

Свята-Мікалаеўская царква — былы праваслаўны храм у в. Данілавічы Веткаўскага раёна Гомельскай вобласці.

Гісторыя

Царква знаходзілася ў цэнтры вёскі. Пабудавана ў 1926 г. з дрэва. 19 сакавіка 2006 г. царква згарэла, на яе месцы пабудаваны новы цагляны храм.

Архітэктура

Вырашана ў рэтраспектыўна-рускім стылі. Кананічную аб'ёмна-прасторавую кампазіцыю складаюць званіца-прытвор, кароткі бабінец, кубападобная малітоўная зала, пяцігранная апсіда з бакавымі рызніцамі. Над цэнтральным зрубам узведзены магутны васьмігранны шатровы барабан, завершаны, як і шацёр двух'яруснай званіцы (васьмярык на чацверыку), цыбулепадобнымі галоўкамі. Гарызантальна ашаляваныя фасады прарэзаны прамавугольнымі аконнымі праёмамі. Уваход аформлены двухслуповым ганкам пад двухсхільным пакрыццём.

Інтэр'ер

У інтэр'еры Абразы 19 ст. «Благавешчанне», «Каранаванне Марыі», «Маці Божая Траяручыца», «Спас Вялікі Архірэй», «Спас», «Святы Мікалай» і «Цуд Георгія аб змеі» (дошка, алей).

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Свята-Мікалаеўская царква (Данілавічы) на сайце Radzima.org
• Свята-Мікалаеўская царква (Данілавічы) на сайце Глобус Беларусі (руск.)
• Царква і праваслаўны прыход Свяціцеля Мікалая на сайце Radzima.net