Свята-Мікалаеўская царква (Трасціно)

Праваслаўны храм
Свята-Мікалаеўская царква
53°29′16″ пн. ш. 32°29′26″ у. д.
Краіна	Беларусь
Вёска	Трасціно
Канфесія	Праваслаўе
Епархія	Магілёўская і Мсціслаўская
Благачынне	Клімавіцкае
Архітэктурны стыль	рэтраспектыўна-рускі
Дата пабудовы	1861 год
Стан	дзейнічае
Медыяфайлы на Вікісховішчы

Свя́та-Мікала́еўская царква́ — праваслаўны храм у вёсцы Трасціно Хоцімскага раёна Магілёўскай вобласці. Размешчана каля могілак.

Гісторыя

Пабудавана ў другой палове XIX стагоддзя з цэглы.

Архітэктура

Помнік архітэктуры рэтраспектыўна-рускага стылю. Вырашана чатырохчасткавай падоўжна-восевай кампазіцыяй: прытвор-званіца, кароткая трапезная, кубападобная малітоўная зала, прамавугольная апсіда. Фасады прарэзаны высокімі арачнымі аконнымі праёмамі з кілепадобнымі броўкамі і круглымі люкарнамі на бакавых фасадах малітоўнай залы. Яе шатровы дах і шацёр званіцы (васьмярык на чацверыку) завершаны макаўкамі. Фасады апяразаны гарадковым фрызам, крапаваны вуглавымі і прасценачнымі лапаткамі.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Свята-Мікалаеўская царква (Трасціно) на сайце Праваслаўная архітэктура Беларусі (бел.)
• Свята-Мікалаеўская царква (Трасціно) на сайце Глобус Беларусі (руск.)
• Свята-Мікалаеўская царква (Трасціно) на сайце «Архіварта»