Свята-Петра-Паўлаўская царква (Махро)
Праваслаўны храм | |
Свята-Петра-Паўлаўская царква | |
---|---|
![]() | |
51°58′48,18″ пн. ш. 25°33′14,69″ у. д.HGЯO | |
Краіна |
![]() |
Вёска | Махро |
Канфесія | Беларуская праваслаўная царква |
Епархія | Пінская і Лунінецкая епархія |
Архітэктурны стыль | беларускае народнае дойлідства |
Дата пабудовы | 1792 год |
Статус |
![]() |
![]() |
Свята-Петра-Паўлаўская царква — праваслаўны храм у в. Махро Іванаўскага раёна. Помнік драўлянага дойлідства з рысамі стылю барока. Пабудавана ў 1792 г. як уніяцкая.
Архітэктура[правіць | правіць зыходнік]
![](http://upload.wikimedia.org/wikipedia/commons/thumb/3/37/Machro%2C_Pietrapa%C5%AD%C5%82a%C5%ADskaja._%D0%9C%D0%B0%D1%85%D1%80%D0%BE%2C_%D0%9F%D0%B5%D1%82%D1%80%D0%B0%D0%BF%D0%B0%D1%9E%D0%BB%D0%B0%D1%9E%D1%81%D0%BA%D0%B0%D1%8F_%281958%29.jpg/220px-Machro%2C_Pietrapa%C5%AD%C5%82a%C5%ADskaja._%D0%9C%D0%B0%D1%85%D1%80%D0%BE%2C_%D0%9F%D0%B5%D1%82%D1%80%D0%B0%D0%BF%D0%B0%D1%9E%D0%BB%D0%B0%D1%9E%D1%81%D0%BA%D0%B0%D1%8F_%281958%29.jpg)
Складаецца з прамавугольнага ў плане асноўнага зрубу і пяціграннай алтарнай апсіды, накрытых агульным дахам з трохвугольнымі навісямі ў месцы злучэння аб'ёмаў. Галоўны паўночны фасад вырашаны ў выглядзе шырокай пласціны, пры ўваходзе тамбур. Фасад падзеленыя на ярусы дзвюма развітымі карнізамі і завершаныя трыма вежачкамі (бакавыя квадратныя ў плане, цэнтральная васьмігранная). Сцены вертыкальна ашаляваныя дошкамі з нашчыльнікамі. Карнізы аздобленыя разьбой. Вокны прамавугольныя. Інтэр'ер зальны з плоскім бэлечным перакрыццем. Над уваходам — вялікія хоры. Дапаможныя памяшканні ўбудаваны ўнутры асноўнага зрубу.
Інтэр'ер[правіць | правіць зыходнік]
У залу выступае галерэя хораў на 2 слупах. Абразы 18 — 19 ст.: «Мікалай Цудатворац» (1816), «Маці Божая Ціхвінская», «Спас Пантакратар», «Маці Божая Адзігітрыя», «Параскева Пятніца».
![](http://upload.wikimedia.org/wikipedia/commons/thumb/4/45/%D0%A1%D0%BF%D0%B0%D1%81_%D0%A3%D1%81%D0%B5%D0%B4%D0%B7%D1%8F%D1%80%D0%B6%D1%8B%D1%86%D0%B5%D0%BB%D1%8C._%D0%9C%D0%B0%D1%85%D1%80%D0%BE.jpg/180px-%D0%A1%D0%BF%D0%B0%D1%81_%D0%A3%D1%81%D0%B5%D0%B4%D0%B7%D1%8F%D1%80%D0%B6%D1%8B%D1%86%D0%B5%D0%BB%D1%8C._%D0%9C%D0%B0%D1%85%D1%80%D0%BE.jpg)
Званіца[правіць | правіць зыходнік]
У баку ад царквы стаіць двух'ярусная чацверыковая каркасная званіца, накрытая пакатым шатром.
Першы вертыкальна ашаляваны ярус праз шырокія адлівы пераходзіць у другі адкрыты ярус, слупы якога падтрымліваюць шатровы верх з макаўкай.
Літаратура[правіць | правіць зыходнік]
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
Спасылкі[правіць | правіць зыходнік]
На Вікісховішчы ёсць медыяфайлы па тэме Свята-Петра-Паўлаўская царква (Махро)
- Свята-Петра-Паўлаўская царква (Махро) на сайце Radzima.org
- Свята-Петра-Паўлаўская царква (Махро) на сайце Глобус Беларусі (руск.)
- Свята-Петра-Паўлаўская царква (Махро) на сайце «Архіварта»